बॉलिवूड अभिनेत्री करीना कपूर खान लवकरच आई होणार आहे. त्यामुळे सध्या करीना तिचा प्रेग्नंसी काळ एन्जॉय करत आहे. त्यासोबतच ती तिच्या फिटनेसकडेही तितकंच लक्ष देताना दिसत आहे. अलिकडेच करीनाने इन्स्टाग्रामवर तिचे योग करतानाचे काही फोटो शेअर केले आहे. त्यामुळे सध्या सोशल मीडियावर करीनाच्या या फोटोंची चर्चा रंगली आहे. करीनाने इन्स्टाग्रामवर तिचे योग करतानाचे काही फोटो शेअर केले आहेत. यात तिने एका फोटोमध्ये काळ्या रंगाचे कपडे परिधान केले आहेत. तर दुसऱ्या एका फोटोमध्ये ती गुलाबी रंगाच्या कपड्यांमध्ये दिसत आहे. करंट मूड.अधिक स्ट्रेच असं कॅप्शन तिने या फोटोला दिलं आहे. या फोटोच्या माध्यमातून तिने एका प्रसिद्ध ब्रॅण्डची जाहिरातदेखील केल्याचं दिसून येत आहे. View this post on Instagram A post shared by Kareena Kapoor Khan (@kareenakapoorkhan) करीना दुसऱ्यांदा आई होणार आहे. त्यामुळे गरोदरपणातील अनुभव ती 'प्रेग्नंसी बायबल' या पुस्तकात लिहित आहे. करीनाचे हे पुस्तक लवकरच प्रकाशित होणार आहे. तैमूरच्या वाढदिवशी करीनाने या पुस्तकाची घोषणा केली होती. या पुस्तकात करीनाने डाएट ते मॉर्निंग सिकनेस आणि फिटनेसबद्दलही लिहिलं आहे. वाचा : ईदच्या दिवशी धडकणार ‘सत्यमेव जयते 2’चं वादळ; पोस्ट शेअर करत जॉन म्हणतो… दरम्यान, कलाविश्वातील अनेक अभिनेत्रींनी त्यांचा प्रेग्नंसी काळ एन्जॉय केला आहे. यात अनुष्का शर्मा, अनिता हंसनंदानी, समीरा रेड्डी अशा अनेक अभिनेत्री त्यांच्या गरोदरपणात कूल असल्याचं पाहायला मिळालं.