बॉलिवूड अभिनेता सलमान खानच्या आगामी भारत या चित्रपटाची बऱ्याच काळापासून चर्चा सुरु आहे. हा चित्रपट लवकरच प्रेक्षकांच्या भेटीला येणार आहे. त्यामुळे सध्या चित्रपटाची संपूर्ण टीम चित्रिकरणामध्ये व्यस्त आहे. मात्र चित्रपटाच्या सेटवर अभिनेत्री कतरिना कैफ जखमी झाल्यामुळे चित्रिकरणमध्येच थांबलं आहे. 'भारत'च्या सेटवर एक अॅक्शन सीन शूट करत असताना कतरिनाच्या पायाला जबर दुखापत झाली आहे. या दुखापतीमुळे तिला चित्रिकरण करणं कठीण झालं असून डॉक्टरांनी तिला विश्रांती घेण्यास सांगितलं आहे. त्यामुळे काही काळ चित्रिकरण थांबविण्यात आलं आहे. View this post on Instagram An injured @katrinakaif snapped with bestie @aliabbaszafar post #gullyboy screening in Mumbai today.Get Well Soon Gorgeous . . . #paparazzi #picoftheday #katrinakaif #mumbai #india #movies #love #getwellsoon #photographer #manavmanglani @manav.manglani A post shared by Manav Manglani (@manav.manglani) on Feb 15, 2019 at 1:09pm PST दरम्यान, काही दिवसापूर्वीच भारतचा टीझर प्रदर्शित झाला. या टीझरमध्ये सलमानने नौदलातील अधिकाऱ्यापासून सर्कसमधील स्टंटमॅनपर्यंतची विविध रुपे साकारल्याचं पाहायला मिळालं. हा चित्रपट हिंदीशिवाय, तमिळ, तेलगू आणि मल्याळम भाषेतही रिलीज होणार आहे. यामुळे चाहत्यांमध्ये या चित्रपटाबद्दलची उत्सुकता वाढली आहे.