आपल्या मनमोहक अदांनी आणि नृत्यकलेने अनेकांच्या मनावर जादू करणारी अभिनेत्री कतरिना कैफ कायमच चर्चेत असते. पण सध्या मात्र चर्चा आहे कतरिनाची बहीण इसाबेल हिची. इसाबेल आता बॉलिवूडमध्ये पदार्पण करतेय. नुकतंच तिच्या आगामी चित्रपटाचं पोस्टर समोर आलं आहे. टी सीरीजनं आपल्या ट्विटर अकाऊंटवरून या चित्रपटाचं पोस्टर शेअर केलं आहे. ‘टाईम टू डान्स’ या आगामी चित्रपटात इसाबेल प्रमुख भूमिकेत दिसणार आहे. तिच्यासोबत अभिनेता सूरज पांचोली स्क्रीन शेअर करणार आहे. हा चित्रपट १२ मार्च २०२१ रोजी प्रदर्शित होणार आहे. चित्रपटाच्या पोस्टरसोबतच दोन्ही कलाकारांचे लूक्सही टी सीरीजने शेअर केले आहेत. Time to break free. Time to let the moves take over. #TimeToDance releasing on 12th March 2021.@Sooraj9pancholi #IsabelleKaif @lizelle1238 #StanleyDcosta @rajpalofficial @Iamwaluscha @Tash_powell #MartinRycroft @Amrit_Maghera #TFilmsUKLimited @TSeries #SCIPL @ttd_movie pic.twitter.com/7S8gDRXkNW — T-Series (@TSeries) February 22, 2021 पोस्टरवरून आणि नावावरून तरी हा चित्रपट डान्सशी संबंधित असेल असं दिसतंय. या पोस्टरवर “When life is put to the test, it’s time to dance.” अशी ओळही लिहिली आहे. यावरून आपण अंदाज लावू शकतो की हा चित्रपट डान्स स्पर्धेशी संबंधित असू शकेल. या चित्रपटाची निर्माती कोरिओग्राफर रेमो डिसूझा याची पत्नी लिझेल डिसूझा आहे तर कोरिओग्राफर स्टॅनली डिकोस्टा हा या चित्रपटाच्या माध्यमातून दिग्दर्शनात पदार्पण करतोय. या व्यतिरिक्त सुस्वागतम खुशामदीद या चित्रपटातही अभिनेता पुलकीत सम्राटसोबत इसाबेल काम करत आहे. तसंच गेल्या वर्षी कतरिनाने इसाबेलच्या एका नव्या प्रोजेक्टबद्दल सांगितलं होतं. मात्र, करोना महामारी आणि त्यामुळे लागलेल्या लॉकडाऊनमुळे या चित्रपटाचं प्रदर्शन पुढे ढकलण्यात आलं आहे. निर्मात्यांकडून याबाबत अद्याप कोणतीही माहिती मिळालेली नाही.