गुजरातच्या सुरतमधून 'कौन बनेगा करोडपती'च्या आठव्या पर्वाची सुरुवात केल्यानंतर आता या शोची परदेशवारी हेण्याचे संकेत महानायक आणि प्रश्नमंजुषेवर आधारित या शोचे सुत्रसंचालक अमिताभ बच्चन यांनी दिले आहेत. दरवेळेस स्टुडिओमध्ये चित्रीत होणारा हा शो पहिल्यांदाच मुंबईतील स्टुडिओच्या बाहेर घेऊन जाणारे अमिताभ बच्चन यांनी सदर शो जागतिक पातळीवर नेण्याबाबत चर्चा सुरू असल्याचे सूतोवाच केले. या विषयी अमिताभ बच्चन त्यांच्या ब्लॉगवर लिहितात, दुसऱ्या शहरांमध्ये जाण्याची इच्छा आणि योजना आहे. मिडल इस्ट, यूके आणि यूएसए. या देशांच्या नावाची चर्चा माझ्या कानावर येत आहे. अन्य गोष्टी जशा कानावर येतात त्याचप्रमाणे ही देखील असण्याची शक्यता आहे. सोनी वाहिनीवर दिनांक १७ ऑगस्टपासून केबीसी-८ला सुरुवात होते आहे.
