शाळेत खिचडी शिजवून आपला उदर्निवाह करणाऱ्या अमरावतीच्या बबिता ताडे ‘कौन बनेगा करोडपती (केबीसी)’ या लोकप्रिय शोच्या दुसऱ्या करोडपती झाल्या आहेत. अवघ्या १५०० रूपयांवर घर चालवणाऱ्या आणि आता कोट्याधीश झालेल्या बबिता यांच्यामुळे अनेक मध्यमवर्गीय महिलांना प्रेरणा मिळाली आहे. पंधराशे रुपये ते एक कोटी हा बबिता यांचा प्रवास खडतर होता. केबीसीमध्ये हॉटसीटवर बसल्यावर बबिता यांच्यावर दडपण आले होते. पण अमिताभ बच्चन यांना पाहून बबिता यांचा आत्मविश्वास वाढला.