टेलिव्हिजन विश्वात काही कार्यक्रमांनी प्रेक्षकांच्या मनावर कायमची छाप सोडली होती. छोट्या पडद्यावर प्रदर्शित झालेल्या काही मालिका बंद होऊन इतकी वर्षे उलटली तरी अजूनही त्यातील पात्र, मालिकेचे कथानक, शीर्षक गीत या साऱ्या आठवणी प्रेक्षकांच्या मनात कायम जाग्या असल्याचे बऱ्याचदा पाहायला मिळाले आहे. अशाच मालिकांच्या गर्दीतील एक उदाहरण म्हणजे, 'खिचडी'. हा कार्यक्रम नव्या अंदाजात पुन्हा एकदा प्रेक्षकांच्या भेटीला आला. २००२ मध्ये या मालिकेचा पहिला सिझन प्रदर्शित करण्यात आला होता. नुकताच या मालिकेचा तिसरा सिझन भाग १४ एप्रिलला प्रदर्शित झाला. प्रेक्षकांना तिसऱ्यांदा वाढलेली खिचडीही तेवढी पसंत पडली. प्रेक्षकांच्या आग्रहासाठी इस्टंट खिचडी या नावाने ही मालिका पुन्हा एकदा सुरू करण्यात आली होती. या दोन्ही सिझनच्या यशानंतर मालिकेच्या निर्मात्यांनी याच टीमला घेऊन सिनेमा काढण्याचे ठरवले. खिचडी- द मुव्ही असे या सिनेमाचे नाव होते. या सिनेमानेही बॉक्स ऑफिसवर भरघोस कमाई केली होती. १४ एप्रिलला तिसऱ्या सिझनच्या पहिल्या भाग लोकांना भरभरून आवडला. सोशल मीडियावर या मालिकेचे अनेकांनी कौतुक केले. They are looking for Hansa in the Gents bathroom cos they can't enter the ladies bathrooms#Khichdi — aate jaate (@Biblio_phagist) April 14, 2018 तर काहींनी या मालिकेची तुलना कपिल शर्माच्या फॅमिली टाइम विथ कपिल या शोसोबत केली. एका ट्विटर युझरने लिहिले की, 'कपिलच्या शोपेक्षा कितीतरी पटीने ही मालिका चांगली आहे. तुमचे आभार की तुम्ही परत आलात.' अनेकांनी हंसा आणि प्रफुलची विनोदी जोडी खूप वर्षांनी पुन्हा एकदा पाहिल्याचे अभिनंदन केले. एका युझरने लिहिले की, 'खिचडी मालिका परत आलीये. खूप दिवसांनी टीव्हीवर पाहण्यासारखं काही तरी आलं. माझे शनिवार रविवार फिक्स झाले.'