बॉलीवूड कलाकार कोंकणा सेनशर्मा आणि रणवीर शौरी यांनी एकमेकांपासून विभक्त होण्याचा निर्णय घेतला आहे. गेल्या पाच वर्षांपासून वैवाहिक नात्यात असणाऱ्या कोंकणा आणि रणवीर या दोघांनी सोमवारी आपापल्या ट्विटर अकाऊंटवरून याबद्दलची माहिती दिली. या दोघांना हारून हा चार वर्षांचा मुलगादेखील आहे. रणवीर आणि मी दोघांनी मिळून विभक्त होण्याचा निर्णय घेतला आहे. परंतु, आम्ही एकमेकांशी असलेले मैत्रीचे नाते आणि आमच्या मुलाच्या पालकत्वाचे नाते जपणार आहोत, असे कोंकणाने ट्विटरवर म्हटले आहे. रणवीरनेही असाच संदेश आपल्या ट्विटर अकाऊंटवर लिहला आहे. Ranvir and I have mutually decided to separate, but continue to be friends and co-parent our son. Will appreciate your support. Thank you. — Konkona Sensharma (@konkonas) September 14, 2015 Konkona and I have mutually decided to separate, but continue to be friends and co-parent our son. Will appreciate your support. Thank you. — रanviर_ डhoरeय_ (@RanvirShorey) September 14, 2015 २००७ मध्ये रणवीर आणि कोंकणाच्या प्रेमप्रकरणाची सुरूवात झाली होती. त्यानंतर २०१० मध्ये या दोघांनी विवाह केला होता. बॉलीवूडच्या 'ट्रॅफिक सिग्नल', 'मिक्स्ड डबल्स', 'आजा नचले' आणि 'गौर हरि दास्तान' या चित्रपटांमध्ये त्यांनी एकत्र काम केले होते.