अभिनेता किंवा अभिनेत्रींनी पाश्र्वगायन करणे ही बाब आता नवलाईची राहिलेली नाही. त्यात आता क्रांती रेडकर आणि सुबोध भावे या नावांची भर पडली आहे. ‘किरण कुलकर्णी व्हर्सेस किरण कुलकर्णी’ या आगामी मराठी चित्रपटासाठी या दोघांनीही पाश्र्वगायन केले आहे. चित्रपटाचे प्रमोशनल गाणे त्यांनी गायले असून ‘आता होऊ दे खुश्शाल खर्च’ असे त्याचे शब्द आहेत. ओम प्रॉडक्शन प्रस्तुत आणि कांचन अधिकारी दिग्दर्शित हा चित्रपट ‘सायबर क्राइम’वर आधारित विनोदी चित्रपट आहे. हे गाणे मंदार चोळकर यांनी लिहिले असून पाश्र्वगायिका वैशाली सामंत यांनी ते संगीतबद्ध केले आहे. चित्रपटात क्रांती रेडकर, सुबोध भावे यांच्यासह मोहन जोशी, आविष्कार दारव्हेकर, प्रिया मराठे आणि अन्य कलाकार असून हा चित्रपट येत्या १७ जून रोजी प्रदर्शित होणार आहे.
