बॉलिवूड अभिनेत्री आणि ‘मिस युनिव्हर्स’ लारा दत्ता हिनं वीस वर्षांपूर्वी ‘मिस युनिव्हर्स’चा किताब जिंकला. याच सौंदर्य स्पर्धेत प्रियांका चोप्रानं ‘मिस वर्ल्ड’ तर दिया मिर्झानं ‘मिस एशिया पॅसिफिक’ हा किताब पटकावून नवा विक्रम रचला. मात्र या स्पर्धेत लारा दत्तानं रचलेला विक्रम २० वर्षांनंतरही एकाही सौंदर्यवतीला मोडता आला नाही.

सौंदर्यस्पर्धेतील विविध फेरीत सर्वाधिक गुण मिळवण्याचा विक्रम लारा दत्तानं रचला आहे. तिनं ९.९९ असे सर्वाधिक गुण परीक्षकांकडून मिळवले होते. स्विमसूट फेरीत आणि अंतिम फेरीत तिनं सर्वाधिक गुण मिळवत मिस युनिव्हर्स स्पर्धेत नवा इतिहास रचला.  २० वर्षे उलटली तरी हा रेकॉर्ड कोणत्याही सौंदर्यवतीला मोडता आला नाही. २००० मध्ये तिनं ही स्पर्धा जिंकली होती. त्यानंतर एकाही भारतीय सौंदर्यवतीला मिस युनिव्हर्सचा किताब जिंकता आला नाही.

Kane Williamson being run out Video Viral
NZ vs AUS : केन विल्यमसन सहकारी खेळाडूला धडकला, अन् १२ वर्षात पहिल्यांदाच घडलं ‘असं’, VIDEO होतोय व्हायरल
job opportunity in indian coast guard
नोकरीची संधी : इंडियन कोस्ट गार्डमधील संधी
Viral video IndiGo air hostess heartwarming surprise for brother who joined same airline melts hearts
भावाला इंडिगोमध्ये नोकरी मिळाली, एअरहोस्टेस बहिणीने दिले सरप्राईज, हृदयस्पर्शी व्हिडिओने जिंकले नेटकऱ्यांचे मन
Director General of Police Rashmi Shukla will get a tenure of two years
पोलीस महासंचालक रश्मी शुक्ला यांना दोन वर्षांचा कालावधी मिळणार!

२००० मध्ये मिस युनिव्हर्सचा किताब जिंकल्यानंतर लाराने २००३ मध्ये बॉलिवूडमध्ये एण्ट्री केली. ‘अंदाज’ हा तिचा पहिला सिनेमा होता. या सिनेमात ती अक्षय कुमारसोबत झळकली होती. आपल्या पहिल्याच सिनेमासाठी लाराने सर्वोत्कृष्ट नवोदित अभिनेत्रीचा फिल्मफेअर पुरस्कार मिळवला. ‘अंदाज’नंतर लारा दत्ताने अनेक सिनेमे केले, त्यापैकी काही सिनेमा हिट ठरले. लाराच्या हिट सिनेमांमध्ये ‘मस्ती’, ‘नो एण्ट्री’, ‘पार्टनर’, ‘हाऊसफूल’, ‘ब्लू’सह आणखी काही सिनेमांचा समावेश आहे.

लाराने २०११ मध्ये टेनिसपटू महेश भूपतीशी लग्न केलं. आता त्यांना एक मुलगी असून तिचं नाव सायरा आहे. महेश भूपती आणि लारा यांची भेट महेशच्या एंटरटेन्मेंट आणि स्पोर्ट मॅनेजमेंट कंपनीच्या एका बिझनेस मीटींगमध्ये झाली. लाराने तिच्या कंपनीच्या मॅनेजमेंटचं काम महेशच्या कंपनीला दिलं होतं. या भेटीनंतर लारा आणि महेश डेट करू लागले.