बॉलीवूड अभिनेत्री करिना कपूर 'लॅक्मे फॅशन विक'मध्ये मनिष मल्होत्राची शोस्टॉपर म्हणून रॅम्प वॉक करणार आहे.करिनाने आतापर्यंत सर्वाधिक मनिष मल्होत्राने डिझाईन केलेले कपडे परिधान केले आहेत. रेड कार्पेट इव्हेंट्स, चित्रपटाचे प्रिमियर असो किंवा सामाजिक कार्यक्रम, पार्टी असो तिची सर्वाधिक पसंती ही मनिष मल्होत्राच्या डिझाईनसाठीच राहिली आहे. "मला नेहमीच करिनासोबत काम करायला आवडते. सुंदर चेहरा आणि आत्मविश्वास या दोन्ही गोष्टी तिच्याकडे आहेत. मी तिच्यासाठी खास डिझाईन करत असून हे कलेक्शन ग्लॉस लूकपासून प्रभावित आहे," असे मनिष मल्होत्रा म्हणाला.लॅक्मे फॅशन विक फेस्टीव्ह २०१४ हा २०-२४ ऑगस्टला पॅलेडियम हॉटेलमध्ये होणार आहे.
