छोट्या पडद्यावरील लोकप्रिय अभिनेत्री माही विजच्या भावाचे काही दिवसांपूर्वी निधन झाले आहे. करोनामुळे त्याचे निधन झाल्याचे समोर आले आहे. माहीने सोशल मीडियावर भावाचा फोटो शेअर करत भावाच्या निधनाची माहिती दिली आहे. दरम्यान तिने अभिनेता सोनू सूद आणि कॉमेडियन भारती सिंहचे आभार मानले आहेत. माही विजने तिच्या इन्स्टाग्राम अकाऊंटवर भावाचा फोटो शेअर करत भावनिक पोस्ट लिहिली आहे. 'मी तुला गमावले नाही. तू माझी ताकद आहेस. माझे तुझ्यावर प्रचंड प्रेम आहे आणि ते नेहमी करत राहिन. मला शक्य असतं तर मी काही दिवस मागे गेले असते. तुला मिठी मारली असती आणि तुला कधीही जाऊ दिले नसते. तू माझ्यासाठी हिरो आहेस' या आशयाचे कॅप्शन तिने दिले आहे. View this post on Instagram A post shared by Mahhi tarakhushirajveer (@mahhivij) आणखी वाचा : यामी गौतम पाठोपाठ ‘ये जवानी…’मधील ‘लारा’ने केले लग्न काही दिवसांपूर्वी माहीच्या भावाला करोना झाला होता. त्यानंतर बॉलिवूड अभिनेता सोनू सूद आणि कॉमेडियन भारती सिंहने तिला मदत केली होती. माहीने सोनू सूदच्या ट्वीटचा स्क्रीनशॉट सोशल मीडियावर शेअर केला आहे. View this post on Instagram A post shared by Mahhi tarakhushirajveer (@mahhivij) स्क्रीनशॉट शेअर करत तिने, 'माझ्या भावासाठी रुग्णालयात बेड मिळवून दिल्याबद्दल सोनू सूद तुझे आभार. या कठीण कळात मला तू हिंमत दिलीस. तुम्ही माझी मदत केल्याबद्दल तुमचे आभार' या आशयाचे कॅप्शन दिले आहे. तसेच माहीने भारतीचे देखील आभार मानले आहेत.