'गोड संसारासाठी थोडं तिखट व्हावं लागतं' असं म्हणत जवळपास तीन वर्षांपूर्वी सुरु झालेली 'माझ्या नवऱ्याची बायको' ही मालिका रसिकप्रेक्षकांच्या मनावर अक्षरशः राज्य करतेय. या मालिकेने ११०० भाग पूर्ण केले आणि आजवर टीआरपीचे नवे उच्चांक या मालिकेने प्रस्थापित केले आहेत. या मालिकेने एक विलक्षण वळण घेतलं आहे. नुकतंच प्रेक्षकांनी मालिकेत पाहिल्याप्रमाणे माया गुरूच्या सांगण्यावरून राधिकाला ब्लॅकमेल करतेय. पण शनायामुळे राधिकाला गुरूचा सगळा प्लॅन कळतो. शनाया राधिका एकमेकांची माफी मागतात आणि एकत्र येऊन गुरूला धडा शिकवायचं ठरवतात. त्यानुसार दोघीपण आता गुरूच्या प्रत्येक छोट्यामोठ्या हालचालींवर लक्ष ठेवून आहेत. मायाला आपल्या बाजूने करून गुरूला चांगलाच धडा शिकवायचा असा राधिकाचा प्लॅन आहे. गुरुनाथकडून झालेल्या फसवणुकीला शनाया आणि राधिका मिळून देणार सडेतोड उत्तर. गुढीपाडवा विशेष भाग नक्की पहा. #MajhyaNavryachiBayko #ZeeMarathi pic.twitter.com/a580euBuVW — Zee Marathi (@zeemarathi) March 21, 2020 आणखी वाचा : आठ महिन्यांत महेश मांजरेकरांचा पूर्णपणे बदलला लूक; पाहा फोटो गुडीपाडव्याच्या दिवसापासून राधिका आणि शनाया गुरूला हरवण्याचा दिशेने एक एक पाऊल उचलणार आहेत. या दोघी गुरूला कशी अद्दल घडवणार हे पाहणं औत्सुक्याचं ठरणार आहे.