मनुष्य स्वभाव म्हटला की त्यात सारे स्वभाव वैशिष्ट्य हे आले. मग त्यात भितीही आलीच. अगदी लहान मुलांपासून मोठ्या व्यक्तींपर्यंत प्रत्येक व्यक्तीला ठराविक एका कोणत्याही गोष्टीची भिती वाटतच असते. या भितीपासून अभिनेता प्रियदर्शन जाधवही काही सुटलेला नाही. 'माझ्या बायकोचा प्रियकर' या चित्रपटामध्ये प्रियदर्शन झळकणार असून या चित्रपटातील काही भागाचं चित्रीकरण भोर येथे पार पडलं. विशेष म्हणजे हे चित्रीकरण रात्रीच्या वेळी चित्रित करण्यात आल्यामुळे प्रियदर्शन काही वेळा घाबरल्याचं पाहायला मिळालं. 'माझ्या बायकोचा प्रियकर' हा चित्रपट कॉमेडी हॉरर या प्रकारात मोडणारा असून भोर येथे भूताची काही दृश्य चित्रित करायची होती. त्यामुळे सेटवर अंधार करण्यात आला होता. अशा वातावरणात चित्रीकरण करताना प्रियदर्शन बराच दचकत होता. त्याला अंधाराची भिती वाटू लागली होती. त्यामुळे प्रियदर्शन अंधाराला घाबरत असल्याचं उपस्थित साऱ्यांनाच कळून आलं. दरम्यान, राजीव एस.रुईया दिग्दर्शित हा चित्रपट येत्या २३ नोव्हेंबरला हा प्रदर्शित होणार असून दीपक रुईया, राजेंद्र गोयंका, प्रदीप के शर्मा, अनिता शर्मा, धवल जयंतीलाल गाडा, अक्षय जंयतीलाल गाडा यांनी चित्रपटाची निर्मिती केली आहेत.
