11 December 2019

News Flash

…म्हणून ‘या’ अभिनेत्रीने धुडकावलं कोट्यावधींचं मानधन

अभिनेत्रीचा फेअरनेस क्रिमच्या जाहिरातीला नकार

चेहऱ्याचा रंग उजळविण्याचा तथाकथित दावा करणाऱ्या सौंदर्य प्रसाधनांच्या जाहिरातींमध्ये आजकाल सर्रासपणे बॉलिवूड कलाकार झळकताना दिसतात. अर्थात त्यातील किती सेलिब्रिटी हे सौंदर्य प्रसाधनं वापरतात हा प्रश्नच आहे. मात्र तरीदेखील लोकप्रियता मिळावी या हेतूने ही कलाकार मंडळी या जाहिरातींमध्ये झळकत असतात. मात्र एका दाक्षिणात्य अभिनेत्रीने कोट्यावधी रुपयांची ऑफर नाकारत फेअरनेस क्रिमच्या जाहिरातीला चक्क नकार दिला आहे. विशेष म्हणजे ही जाहिरात नाकारण्यामागे तिने एक खास कारणही दिलं आहे.

दाक्षिणात्य अभिनेत्री साई पल्लवीला एका फेअरनेस क्रिमच्या जाहिरातीसाठी विचारणा करण्यात आली होती. या जाहिरातीसाठी तिला तब्बल २ कोटी रुपयांचं मानधनही मिळणार होतं. मात्र साई पल्लवीने एवढ्या कोट्यावधी रुपयांचं मानधन धुडकावून लावत ही जाहिरात नाकारली आहे.

 

View this post on Instagram

 

A post shared by Sai Pallavi (@saipallavi.senthamarai) on

साई पल्लवी फार कमी प्रमाणात प्रसाधनांचा वापर करत असते. त्यासोबतच आपल्या त्वचेचा आणि रंगाचा पोत जसा आहे. तसाच सादर करण्याला तिने आधीपासूनच प्राधान्य दिलं आहे. त्यामुळेच तिने ही जाहिरात नाकारली आहे. ‘मी स्वत: सौंदर्य प्रसाधनांना पाठीशी घालत नाही. तुम्ही स्वत:विषयी, त्वचेच्या रंगाविषयी आत्मविश्वास बाळगायला हवा’, असं तिचं मत आहे.

दरम्यान, २०१५ मध्ये ‘प्रेमम मलरे’ या मल्याळम चित्रपटातून साई पल्लवीने कलाविश्वात पदार्पण केलं होतं. या चित्रपटानंतर ‘अथिरन’, ‘मारी २’ या चित्रपटांनीही तिला विशेष ओळख मिळवून दिली. सुपरहिट चित्रपट देणारी साई पल्लवी चित्रपटांमध्ये कमी मेक-अप करणारी अभिनेत्री म्हणून ओळखली जाते.

 

First Published on April 21, 2019 12:35 pm

Web Title: malayalam actress sai pallavi says no to fairness cream ad deal worth rs 2 crore
Just Now!
X