बॉलिवूडची एकेकाळची आघाडीची अभिनेत्री ममता कुलकर्णीला अमली पदार्थांच्या तस्करीप्रकरणी केनियन पोलिसांनी ताब्यात घेतले असून, तिचा नवरा विजय गोस्वामी उर्फ विकी गोस्वामीलादेखील पोलिसांनी अटक घेतल्याचे वृत्त आहे. पोलीस दोघांची कसून चौकशी करत असल्याचे समजते. विकी गोस्वामी अमली पदार्थांची तस्करी करीत असून, याआधीदेखील त्याला अमली पदार्थांच्या तस्करीप्रकरणी दुबईमध्ये अटक करण्यात आली होती. करण अर्जुन, क्रांतीवीर, बाजी, आशिक आवारा यासारख्या चित्रपटांमधून अभिनय केलेल्या ममताने बॉलिवूडमध्ये चांगला जम बसविला होता. परंतु, अचानकपणे ती बॉलिवूडपासून दूरावली. एका मासिकाच्या कव्हरपेजवरील तिच्या टॉपलेस फोटोने खळबळ उडवून दिली होती.