News Flash

“माफ करा, पुन्हा चूक होणार नाही…”; गणपती प्रतिष्ठापनेतील चुकीवरुन प्रवीण तरडेंचा जाहीर माफीनामा

प्रवीण तरडेंनी मागितली जगभरातील दलितांची जाहीर माफी

करोना संकटातही महाराष्ट्रात मोठ्या उत्साहात गणेशोत्सव साजरा केला जात आहे. नेहमीप्रमाणे मोठ्या प्रमाणात गणेशोत्सव साजरा केला जात नसला तरी गणेशभक्तांमधील उत्साह मात्र कायम आहे. सर्वसामान्य नागरिकांसोबत राजकारणी, सेलिब्रिटींनीही आपल्या घरात गणपती प्रतिष्ठापना केली असून यासाठी वेगवेगळी थीम तयार केली आहे. दरम्यान मराठी अभिनेता-दिग्दर्शक प्रवीण तरडे यांच्यावर गणपतीसाठी करण्यात आलेल्या सजावटीमुळे टीका करण्यात आली. यानंतर प्रवीण तरडे यांनीही आपली चूक मान्य करत दलित समाजाची जाहीर माफी मागितली आहे.

काय झालं होतं?
प्रवीण तरडे नेहमीच प्रवाहापेक्षा वेगळा विचार करत असल्याने चर्चेत असतात. यावेळी गणेशोत्सव साजरा करण्यासाठी त्यांनी पुस्तक गपणती ही संकल्पना ठेवत डेकोरेशन केलं होतं. त्याचा फोटो त्यांनी सोशल मीडियावर शेअर केला होता. पण यानंतर काही वेळातच त्यांच्यावर टीकेची झोड उठण्यास सुरुवात झाली.

प्रवीण तरडे यांनी गणेशमूर्तीच्या बाजूला पुस्तकांची सजावट केली होती. पण मूर्ती ज्या पाटावर ठेवली होती त्याच्या खाली संविधानाचे पुस्तक ठेवले होते. यावरुन सोशल मीडियावर त्यांना ट्रोल व्हावे लागले.

जाहीर माफीनामा –
टीका होऊ लागल्यानंतर प्रवीण तरडे यांनी तात्काळ ती पोस्ट डिलीट केली. सोबतच माफी मागणारा एक व्हिडीओ अपलोड केला. त्यामध्ये त्यांनी म्हटलं आहे की, “माझ्या घरी पुस्तक गणपती अशी संकल्पना होती. बुद्धीची देवता आणि बुद्धीचं सर्वात मोठं प्रतिक अशी माझी एक भावना होती. पण मी केलेली चूक अनेकांनी माझ्या लक्षात आणून दिली. आरपीआय, भीम आर्मी तसंच लातूर आणि पुण्यातील संघटनांनी मला याची जाणीव करुन दिली. मी सर्व दलित बांधवांची, तसंच ज्यांच्या ज्यांच्या भावना दुखावल्या गेल्या आहेत त्यांची जाहीर माफी मागतो”.

प्रवीण तरडे यांनी यावेळी माझी चूक मान्य करतो सांगत केलेला बदलही दाखवला आहे. “मी खूप समाजिक भावना जपतो. याआधी कधीच चूक झालेली नाही आणि होणार नाही. पुन्हा एकदा सर्व दलित बांधव ज्यांच्या ज्यांच्या भावना दुखावल्या आहेत, भारतातल्या नव्हे तर जगभरातल्या त्यांची मी जाहीर माफी मागतो,” असं ते व्हिडीओच्या शेवटी बोलले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 22, 2020 3:47 pm

Web Title: marathi actor director pravin tarde apology over ganeshotsav celebration sgy 87
Next Stories
1 सुशांतची हत्या झाली का? एम्समधील डॉक्टरांकडून शवविच्छेदन अहवालाची तपासणी; सीबीआय तपासाला वेग
2 ‘रुपारेलचा गणेशोत्सव म्हणजे माझ्या घरचाच गणपती’
3 “…तर खोटे लाइक्स गोळा करण्याची वेळ आली नसती”; कैलाश खेर यांची बादशाहवर टीका
Just Now!
X