08 July 2020

News Flash

प्रियदर्शन जाधवचं वेबविश्वात पदार्पण; सुरभी हांडेसह जमली भन्नाट केमिस्ट्री

जाणून घ्या, प्रियदर्शनच्या नव्या वेबसीरिजचं नाव

सध्याचा काळ हा वेबविश्वाचा असल्याचं म्हटलं जातं. केवळ इंग्रजीच नव्हे तर हिंदी, मराठी, तेलुगू अशा अनेक भाषांमध्ये वेबसीरिजची निर्मिती होऊ लागली आहे. या वेबसीरिजची तरुणाईमध्ये क्रेझ असल्यामुळे रुपेरी पडदा गाजवणाऱ्या अनेक कलाकारांनी त्यांचा मोर्चा वेबसीरिजकडे वळविला आहे. विशेष म्हणजे यात मराठी कलाकारही मागे नाहीत. जितेंद्र जोशी, रिंकू राजगुरू अशा अनेक कलाकारांनी आतापर्यंत वेबसीरिजमध्ये काम केलं आहे. त्यानंतर आता आणखी एका अभिनेत्याने वेबसीरिजची वाट धरली आहे.

‘टाईमपास’, ‘हलाल’, ‘चोरीचा मामला’ या चित्रपटांच्या माध्यमातून प्रेक्षकांच्या भेटीला आलेला प्रियदर्शनने भुताटलेला या सीरिजच्या माध्यमातून वेबविश्वात पदार्पण केलं आहे. ही सीरिज हॉरर-कॉमेडी असून मराठीसह हिंदीमध्येही प्रदर्शित झाली आहे. या सीरिजचं दिग्दर्शन शिवाजी लोटन पाटील यांनी केलं आहे.

दरम्यान, भुताटलेला या सीरिजमध्ये प्रियदर्शन जाधवने रायबाची भूमिका केली आहे. तर अभिनेत्री सुरभी हांडे शिवानीची भूमिका साकरली  आहे. विशेष म्हणजे या सीरिजची कथा रायबा आणि शिवानी यांच्या लग्नापूर्वी घडलेल्या एका घटनेवर आधारित आहे. रायबा आणि शिवानीचं लग्न ठरल्यानंतर ऐन हळदीच्या दिवशी रायबाला कोणीतरी अज्ञात व्यक्ती पाठलाग करत असल्याची जाणीव होते आणि तेथून ही सीरिज खऱ्या अर्थाने सुरु होते. या सीरिजमध्ये त्यांच्यासोबत योगेश सिरसाट, सुनील होळकर आणि सायली पाटील ही कलाकारमंडळी स्क्रीन शेअर करणार असून ही सीरिज एमएक्स प्लेयरवर प्रदर्शित झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 5, 2020 4:07 pm

Web Title: marathi actor priyadarshan jadhav new web series bhutatlela ssj 93
Next Stories
1 राहुल गांधींवर इतकी टीका का करता?; स्वरा भास्करचा विरोधकांना सवाल
2 शाळेत पहिल्यांदा किस करताना वडिलांनी पाहिलं अन्.. सनीने शेअर केला भयानक अनुभव
3 काहीजण माझ्या नावाने पैसे उकळतायेत, सोनू सूदने शेअर केले स्क्रिन शॉट
Just Now!
X