नागरिकांच्या सेवेसाठी त्यांच्या सुरक्षेसाठी अहोरात्रं झटणाऱ्या पोलिसांविषयी काही वेगळं सांगण्याचं गरज नाही. त्यांचं कार्य, त्यांचा त्याग साऱ्यांनाच ठावूक आहे. कोणत्याही सणासुदीच्या दिवशी घरी न राहता नागरिकांच्या सुरक्षेसाठी पोलीस कायम तत्परत असतात. याच पोलिसांना नवरात्रीनिमित्ताने अभिनेत्री तेजस्विनी पंडित हिने सलाम केला आहे. नवरात्रीच्या नऊ दिवसांमध्ये तेजस्विनी समाजातील प्रत्येक घटनेवर,मुद्द्यावर व्यक्त होत असते. यावेळी तिने करोना काळात नागरिकांसाठी दिवसरात्र झटणाऱ्या मुंबई पोलिसांचे आभार मानले आहेत. View this post on Instagram द्वितीया . . सद्रक्षणाय खलनिग्रहणायच्या वाटेवरती कर्तव्य अन माणुसकीची कावड माझ्या हाती तू नाहीस असहाय माते ! हात माझा सदैव तुझ्या हाती सदैव तुझ्या साठी.. . . Design & Illustration : @indian_illustrator Photographer : @vivianpullan Writer : @rjadhishh_live Concept & Director : @dhairya_insta_ . . #navratri2020 #devi #devbarekaro #coronawarriors #thankyou #police #trafficpolice #surakshakarmi #safetyofficials #tejaswwini #gratitude A post shared by Tejaswwini (@tejaswini_pandit) on Oct 17, 2020 at 9:54pm PDT तेजस्विनीने पोलिसांच्या वेशातील एक फोटो शेअर केला आहे. यामध्ये देवी पोलिसांच्या रुपात समाजातील गरजू, वयस्क व्यक्तींची मदत करताना दिसत आहे. त्यामुळे समाजासाठी कायम लढणाऱ्या पोलिसांमध्ये देवाचंच एक रुप आहे असं तिने यातून सांगण्याचा प्रयत्न केला आहे. "सद्रक्षणाय खलनिग्रहणायच्या वाटेवरती कर्तव्य अन माणुसकीची कावड माझ्या हाती. तू नाहीस असहाय माते ! हात माझा सदैव तुझ्या हाती सदैव तुझ्या साठी..", असं कॅप्शन तिने या फोटोला दिलं आहे. दरम्यान, काल नवरात्रीच्या पहिल्या दिवशी तेजस्विनीने डॉक्टरांच्या कार्याला सलाम केला होता. तिने डॉक्टरांच्या रुपात देवीचा एक फोटो शेअर केला होता. तेजस्विनी दरवर्षी नवरात्रीमध्ये अनोख्या पद्धतीने देवीच्या वेशातील फोटो शेअर करत असते.