23 February 2018

News Flash

राष्ट्रीय पुरस्कार विजेत्या ‘दशक्रिया’च्या प्रदर्शनास ब्राह्मण महासंघाचा विरोध

या चित्रपटात ब्राह्मण आणि हिंदू परंपरांची बदनामी केल्याचा आरोप

लोकसत्ता ऑनलाइन | Updated: November 14, 2017 5:59 PM

१७ नोव्हेंबर रोजी 'दशक्रिया' हा चित्रपट प्रदर्शित होत आहे

‘पद्मावती’ सिनेमाला होणाऱ्या विरोधाचा वाद ताजा असतानाच आता ‘दशक्रिया’ या मराठी सिनेमाला ब्राह्मण महासंघाने विरोध केला. या चित्रपटाच्या प्रदर्शनावर बंदी आणण्याची मागणी या महासंघाने केली. या चित्रपटात ब्राह्मण आणि हिंदू परंपरांची बदनामी केल्याचा आरोप त्यांनी केला.

महासंघाचे पदाधिकारी पुण्याच्या पोलीस आयुक्त रश्मी शुक्ला यांच्याकडे निवेदन देणार असून, सिनेमागृहाच्या मालकांना हा सिनेमा प्रदर्शित करू नये, असेही सांगणार आहेत.

ज्येष्ठ लेखक बाबा भांड यांच्या ‘दशक्रिया’ या कादंबरीवर आधारित या सिनेमाचे दिग्दर्शन संदीप पाटील यांनी केले. हिंदू धर्मातील दशक्रिया विधीची परंपरा आणि त्याच्याशी निगडीत गोष्टींवर, सामाजिक विषमतेवर या सिनेमातून भाष्य करण्यात आले.

वाचा : छोट्या पडद्यावरील ‘पद्मावती’ तुम्हाला आठवते का?

दिलीप प्रभावळकर, मनोज जोशी यांची मुख्य भूमिका असलेला ‘दशक्रिया’ हा सिनेमा १७ नोव्हेंबर रोजी प्रदर्शित होत आहे. पुणे आंतरराष्ट्रीय चित्रपट महोत्सवासह अनेक महोत्सवामध्ये हा चित्रपट दाखविण्यात आला असून, प्रेक्षकांच्या पसंतीस उतरला आहे. या चित्रपटाला सर्वोत्कृष्ट पटकथा, सहायक अभिनेता आणि सर्वोत्कृष्ट चित्रपट असे पुरस्कार देखील मिळाले आहेत.

First Published on November 14, 2017 5:59 pm

Web Title: marathi movie dashakriya opposed by brahman mahasangh
  1. S
    spatil
    Nov 14, 2017 at 9:38 pm
    मराठी सिनेमातून पाटलांना बदनाम करतांना तुमची अक्कल चाणक्याला भेटून आली होती काय ?
    Reply
    1. Sharad Nikum
      Nov 14, 2017 at 8:23 pm
      विरोध करु द्या. त्यांची मानसिकता जगाला कळु द्या.
      Reply