19 October 2020

News Flash

झी टॉकीजवर रंगणार ‘फत्तेशिकस्त’चा वर्ल्ड टेलिव्हिजन प्रीमियर

या चित्रपटाचे दिग्दर्शन दिग्पाल लांजेकरने केले आहे.

शिवाजी महाराजांच्या कुशल युद्धनीतीचे दर्शन घडविणाऱ्या भारतातील पहिल्या सर्जिकल स्ट्राइकचा थरार ‘फत्तेशिकस्त’ या चित्रपटातून उलगडण्यात आला. दिग्पाल लांजेकर दिग्दर्शित ‘फत्तेशिकस्त’ हा चित्रपट १६ ऑगस्ट रोजी झी टॉकीजद्वारे प्रेक्षकांच्या भेटीस येणार आहे.

पुण्यात मुघलांसोबत झालेल्या लढाईवर हा चित्रपट चित्रित केलेला आहे. शाहिस्तेखान पुण्यात तळ ठोकून बसला असताना छत्रपती शिवाजी महाराजांनी मावळ्यांच्या साहाय्याने पुण्यातील लाल महालावर हल्ला करून महाकाय शाहिस्तेखानाची बोटे छाटली. हा हल्ला म्हणजे फक्त एक शौर्य गाथा नसून बलाढ्य मुघल सैन्याला मारलेली चपराक होती. भारतातील सर्वात पहिला ‘सर्जिकल स्ट्राईक’ म्हणून या घटनेकडे बघितले जाते.

मृणाल कुलकर्णी, समीर धर्माधिकारी, अनुप सोनी, अंकित मोहन, मृण्मयी देशपांडे या सारख्या दर्जेदार कलाकारांच्या अभिनयाने प्रेक्षकांची मने जिंकली आहेत. देवदत्त मनीषा बाजी यांनी संगीतबद्ध केलेले संगीत आणि संत तुकारामांच्या अभंगांवर आधारित गाणी प्रेक्षकांना मंत्रमुग्ध करतात.

फत्तेशिकस्त बघताना प्रेक्षक नक्कीच छत्रपती शिवाजी महाराजांच्या इतिहासात हरवून जातील आणि प्रत्येकाला महाराजांच्या इतिहासातुन कोणत्याही संकटाशी लढण्याची ताकद मिळेल यात शंका नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 15, 2020 3:59 pm

Web Title: marathi movie fatteshikast will premine on zee talkies avb 95
Next Stories
1 तैमुरने दिल्या स्वातंत्र्यदिनाच्या शुभेच्छा; म्हणाला…
2 कंगना संतापली; म्हणाली, “मला भाजपानं तिकिटाची ऑफर दिली होती, पण…”
3 कॅलिफोर्नियाने केला सुशांतचा मरणोत्तर सन्मान; बहिणीने स्वीकारला पुरस्कार
Just Now!
X