'आई माझी काळुबाई' या मालिकेतील सिद्ध आहे, मी स्वयंसिद्ध.’ हा संवाद सोशल मीडियावर चांगलाच गाजताना दिसत आहे. हा संवाद मालिकेतील खलनायक विराट याचा असून ही भूमिका अभिनेता मिलिंद शिंदे साकारत आहेत. विराट हे मालिकेतील खलनायकी पात्र असलं तरीदेखील ते प्रेक्षकांचं मन जिंकण्यास यशस्वी ठरत आहे. या मालिकेत रोज नवनवीन ट्विस्ट येत असून आता आर्या आणि विराट समोरासमोर येणार आहेत. मालिकेत आर्या म्हणजे आई काळुबाई आहे तर विराट एक दैत्य आहे. त्यामुळे आगामी भागात आई काळुबाई आणि या दैत्याचा सामना होणार आहे. तसंच या दैत्याचा पुनर्जन्म होणं आणि आई काळुबाईने त्याच्याशी केलेली लढाई या मालिकेत पाहायला मिळणार आहे. दरम्यान, आता आर्याला म्हणजेच काळुबाईला रोखण्यासाठी विराट कोणकोणते संकट आणि अडथळे निर्माण करेल हे पाहणं सध्या औत्सुक्याचं ठरत आहे. या मालिकेत अभिनेत्री प्राजक्ता गायकवाड ही आर्याचं पात्र साकारत आहे तर अलका कुबल काळुबाईची भूमिका साकारत आहेत.
