25 February 2021

News Flash

मराठी रंगभूमी समृध्द करणारा अभिनेता गमावला : मुख्यमंत्री

विजय चव्हाण यांना एक ताकदीचा विनोदी अभिनेता म्हणून मराठी रसिक ओळखतातच, मात्र त्याचसोबत त्यांनी गंभीर आशयाच्या भूमिकाही समर्थपणे साकारल्या.

विजय चव्हाण यांची मोरुची मावशी आणि श्रीमंत दामोदर पंत ही नाटकं तुफान गाजली. मोरुच्या मावशी तर आजही प्रेक्षकांच्या मनावर अधिराज्य गाजवत आहे.

ज्येष्ठ अभिनेते विजय चव्हाण यांच्या निधनाने मराठी चित्रपट, नाटक आणि मालिका या तिन्ही माध्यमांना व्यापून टाकणारा एक गुणी व अष्टपैलू अभिनेता आपण गमावला, अशा शब्दांत मुख्यमंत्री देवेंद्र फडणवीस यांनी श्रद्धांजली वाहिली.

विजय चव्हाण यांचे शुक्रवारी सकाळी निधन झाले. चव्हाण यांच्या निधनावर शोक व्यक्त करत मुख्यमंत्री म्हणाले, विजय चव्हाण यांना एक ताकदीचा विनोदी अभिनेता म्हणून मराठी रसिक ओळखतातच, मात्र त्याचसोबत त्यांनी गंभीर आशयाच्या भूमिकाही समर्थपणे साकारल्या. मोरुची मावशी, श्रीमंत दामोदर पंत, टूरटूर, हयवदन यांसारखी अनेक नाटके त्यांच्या कसदार अभिनयाने प्रचंड लोकप्रिय झाली. त्यांना विनोदाचं उत्तम टायमिंग होते चित्रपट आणि दुरचित्रवाणी मालिकांमध्येही त्यांनी आपला वेगळा ठसा उमटवला होता. मराठी सिनेसृष्टीच्या अलिकडच्या कालखंडातील स्थित्यंतरात चव्हाण यांनी बहुमूल्य योगदानही दिले होते. त्यांच्या निधनाने मराठी रंगभूमीचे मोठे नुकसान झाले आहे.

विजय चव्हाण यांच्या निधनावर सांस्कृतिक कार्यमंत्री विनोद तावडे म्हणाले, विजय चव्हाण यांच्या निधनाने चित्रपट आणि नाटक क्षेत्राची मोठी हानी झाली असून महाराष्ट्राने अष्टपैलू अभिनेता गमावला. या कसदार अभिनयाच्या अष्टपैलू कलाकाराच्या निधनाने नाटक, चित्रपट क्षेत्रात मोठी पोकळी निर्माण झाल्याचे त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 24, 2018 11:26 am

Web Title: marathi veteran actor vijay chavan death cm devendra fadnavis condolences
Next Stories
1 VIDEO : ‘टांग टिंग टिंगाक्…’ म्हणणारी ‘मोरुची मावशी’ पाहाच
2 विजू मामांच्या जाण्याने सिद्धार्थला अश्रू अनावर
3 ‘आण्णां’च्या जाण्यानं ‘दामू’ही गहिवरला, म्हणाला….
Just Now!
X