चोरीचा नवीन मामला घेऊन 'मनी हाइस्ट' या वेब सीरिजचा पाचवा सिझन लवकरच प्रेक्षकांच्या भेटीला येणार आहे. नेटफ्लिक्स या ओटीटी प्लॅटफॉर्मवरील ही सर्वांत लोकप्रिय वेब सीरिजपैकी एक आहे. स्वत:कडे गमावण्यासारखं काहीच नसलेल्या आठ जणांना एकत्र आणून 'प्रोफेसर' चोरीचा मोठा प्लान आखतो. मूळ स्पॅनिश भाषेत असलेल्या या सीरिजचे भाषांतर करून नेटफ्लिक्सवर प्रदर्शित करण्यात आले. त्यानंतर या सीरिजची लोकप्रियता तुफान वाढली. आता पाचव्या सिझनची घोषणा करत यामध्ये 'प्रोफेसर'ची भूमिका साकारणारा अभिनेता अल्वारो मोर्ते याने एक फोटो पोस्ट केला आहे. या फोटोमध्ये तो मास्क लावलेला असून सेल्फी काढताना पाहायला मिळत आहे. 'मी परत आलोय. प्रोफेसर परत आलाय', असं कॅप्शन त्याने या फोटोला दिलं आहे. 'मनी हाइस्ट'चा चौथा सिझन अत्यंत निर्णायक वळणावर येऊन संपला होता. त्यामुळे पाचव्या सिझनची प्रचंड उत्सुकता प्रेक्षकांमध्ये आहे. लॉकडाउनच्या काळात हा चौथा सिझन प्रदर्शित झाला आणि त्याला प्रेक्षकांचा भरभरून प्रतिसाद मिळाला. ही सीरिज नेटफ्लिक्सच्या टॉप ट्रेण्डिंग सीरिजमध्ये आली होती. भारतातही या सीरिजचे प्रचंड चाहते आहेत. प्रोफेसरची भूमिका साकारणारा अभिनेता अल्वारो मोर्ते याच्याविषयी तरुणींमध्ये फार क्रेझ आहे.
