छोट्या पडद्यावर आपल्या अभिनयाची छाप उमटवल्यावर रुपेरी पडद्याकडे वळलेल्या अभिनेत्री मौनी रॉयची चाहत्यांमध्ये कायमच चर्चा असते. मौनी अनेकदा सोशल मीडियावर तिचे फोटो, व्हिडीओ शेअर करत असते. अलिकडेच मौनीने एक खास फोटो शेअर केला आहे. या फोटोमध्ये तिच्या हातात अंगठी दिसत असून मौनीने साखरपुडा केला की काय असा प्रश्न चाहत्यांमध्ये निर्माण झाला आहे. सोशल मीडियावर सक्रीय असणाऱ्या मौनीने अलिकडेच इन्स्टाग्रामवर एक फोटो शेअर केला आहे. या फोटोमध्ये तिच्या हातात डायमंड रिंग दिसत आहे. त्यामुळे मौनीने गुपचूप साखरपुडा केला अशी चर्चा चाहत्यांमध्ये रंगली आहे. View this post on Instagram Can’t believe that finally there is one Brand in India which is specialised in Engagement Rings. I am drooling over their collection why don’t you checkout yourself? @ornaz_com You can now customize your design by booking Virtual Appointment, and their experts will give you a personalized experience of choosing an Engagement Ring. #ORNAZ #ORNAZengagementrings #ORNAZrings #diamondrings #solitairerings #ornazreviewed #giacertified #engagementrings #bride #SheSaidYes #ad A post shared by mon (@imouniroy) on Oct 27, 2020 at 6:13am PDT मौनीने शेअर केलेला फोटो तिच्या साखरपुड्याचा नसून एका ब्रॅण्डच्या जाहिरातीसाठी तिने तो फोटो शेअर केल्याचं दिसून येत आहे. याविषयी तिने फोटोच्या कॅप्शनमध्ये तसा उल्लेखदेखील केला आहे. दरम्यान, छोटा पडदा गाजवल्यानंतर मौनीने रुपेरी पडद्यावर पदार्पण केलं आहे. लवकरच ती ब्रह्मास्त्र या चित्रपटात झळकणार आहे. या चित्रपटात आलिया भट्ट आणि रणबीर कपूर मुख्य भूमिकेत झळकणार आहेत. तर बिग बीदेखील या चित्रपटात दिसणार आहेत. यापूर्वी मौनी गोल्ड आणि मेड इन चायना या चित्रपटांमध्ये झळकली आहे.