'बिग बॉस' घरात नेहमीच काही ना काही नवीन घडत असते. पण आता असे काही घडणार आहे, जे पाहून सगळ्यांच्याच भूवया उंचावतील. टीव्हीची सेक्सी नागीण अशी ओळख असलेली अभिनेत्री मौनी रॉय आता तिच्या पूर्व प्रियकर गौरव चोप्राच्या समोर येणार आहे. शोच्या विकेण्ड स्पेशलमध्ये मौनी तिची मालिका 'नागिन २' चे प्रमोशन करायला येणार आहे. गोरव चोप्रा आणि मौनी काही वर्षांपर्यंत रिलेशनशिपमध्ये होते. दोघांनी एका डान्स रिअॅटिल शोमध्येही भाग घेतला होता. त्यानंतर मौनी महादेव फेम मोहित रैना याच्यासोबत रिलेशनशिपमध्ये होती. गौरव 'बिग बॉस'च्या घरी सध्या सगळ्यात जास्त नावाजलेला स्पर्धक आहे. मौनीने तिच्या इन्स्टाग्राम अकाऊंटवरुन यावेळचे काही फोटोही शेअर केले आहेत. यातल्या एका फोटोमध्ये ती सलमान खानसोबत दिसत आहे.
