26 January 2021

News Flash

“क्रिकेटला तरी घराणेशाहीपासून दूर ठेवा”; बिग बींचं ते ट्विट पाहून नेटकरी संतापले

धोनीची मुलगी महिला क्रिकेट संघाची कर्णधार?; भविष्यवाणी करणं बिग बींना पडलं भारी

बॉलिवूडचे महानायक अमिताभ बच्चन सोशल मीडियावर प्रचंड सक्रिय असतात. ऑनलाईन ब्लॉग्स, ट्विट्स, फोटो आणि व्हिडीओजच्या माध्यमातून ते कायम चर्चेत असतात. मात्र यावेळी बिग बी क्रिकेटपटूंच्या मुलींमुळे चर्चेत आहेत. त्यांनी भारतीय क्रिकेटपटूंच्या मुलींची एक यादी ट्विट केली आहे. मात्र ही यादी पाहून काही नेटकरी संतापले अन् त्यांनी घराणेशाहीचे आरोप करत बिग बींना ट्रोल करण्यास सुरुवात केली आहे.

क्रिकेटपटू विराट कोहली आणि त्याची पत्नी अभिनेत्री अनुष्का शर्मा यांच्या घरात चिमुकल्या पाहुणीचं आगमन झालं. त्यामुळे बिग बींनी आपल्या अनोख्या शैलीत त्यांना शुभेच्छा दिल्या. त्यांनी भारतीय क्रिकेट संघातील खेळाडूंच्या मुलींची एक यादी ट्विट केली. ही आहे महिलांची टीम असं म्हणत त्यांनी महेंद्र सिंह धोनीच्या मुलीला त्या टीमचा कर्णधार म्हणून घोषीत केलं. मात्र गंमत म्हणून केलेलं हे ट्विट पाहून काही नेटकरी संतापले आहेत. “अमिताभ तुम्ही इथे देखील घराणेशाही चालवणार का?, क्रिकेटला तरी घराणेशाहीपासून दूर ठेवा.” अशा आशयाच्या प्रतिक्रिया देत त्यांना ट्रोल केलं जात आहे.

दरम्यान, अमिताभ महिला संघाच्या भविष्याबाबत बोलत असले तरी सध्या ऑस्ट्रेलियात सुरू असलेल्या कसोटी मालिकेत भारतीय खेळाडूंची परिस्थिती बिकट आहे. भारताने मालिकेच्या सुरूवातीला दोन-तीन खेळाडूंना दुखापतीमुळे संघाबाहेर केल असताना आता चौथ्या कसोटीआधी सहा ते सात खेळाडू दुखापतग्रस्त झाल्याची माहिती आहे. अशा परिस्थितीत शेवटच्या कसोटीत भारतीय संघ कोणत्या खेळाडूंसोबत मैदानात उतरतो हे पाहणे औत्स्युक्याचं असणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2021 11:57 am

Web Title: ms dhoni daughter women cricket team captain amitabh bachchan troll mppg 94
Next Stories
1 ‘आमच्या मुलीचे फोटो काढू नका’, विराट-अनुष्काने केली विनंती
2 Video: एकेकाळी सेटवर ‘हा’ अभिनेता करायचा सर्वात जास्त फ्लर्ट, जया प्रदा यांनी सांगितले नाव
3 कसला करोना आणि कसलं काय… चित्रपटासाठी झालेली गर्दी पाहून तुम्हीही असच म्हणाल
Just Now!
X