मराठी चित्रपटसृष्टीमधील एक लोकप्रिय अभिनेत्री म्हणजे मुक्ता बर्वे. नुकताच मुक्ताने लोकसत्ताच्या 'सहज बोलता बोलता' या वेब संवादाद्वारे चाहत्यांशी संवाद साधला. या संवादामध्ये तिने पुण्यातील ललित कला केंद्रामधून नाटकाचे धडे घेतानाचा अनुभव सांगितला आहे. मुक्ता जवळपास गेली २० वर्षे इंडस्ट्रीमध्ये काम करत आहे. तिने सुरुवातीला अनेक नाटकांमध्ये काम केले आहे. तिने अभिनयाचे धडे हे ललित कला केंद्रामधून घेतले आहेत. तेव्हाचा अनुभव तिने या मुलाखतीमध्ये सांगितला आहे.
