बॉलिवूडमध्ये अभिनेता इम्रान हाश्मी हा 'सीरियल किसर' म्हणून प्रसिद्ध आहे. आपल्या प्रत्येक चित्रपटात चुंबन दृश्य देण्यासाठी प्रसिद्ध असलेल्या 'बादशाहो' फेम या अभिनेत्याने त्याचे वैवाहिक आयुष्य आणि पत्नीबद्दल काही गोष्टी सांगितल्या. पण तुम्हाला माहितीये का, इम्रानची पत्नी परवीन त्याला 'अनलकी' म्हणजे अशुभ मानते. मात्र तुम्ही काहीही तर्कवितर्क लावण्यापूर्वी आम्ही तुम्हाला सविस्तर माहिती सांगतो. वाचा : कंगनासोबतचा वाद विसरून आदित्य पांचोलीने पाहिला 'सिमरन'! 'पोकर' या खेळाची आवड असलेल्या परवीनला इम्रान तिच्यासाठी या खेळात अनलकी असल्याचे वाटते. यासंबंधी एका मुलाखतीत इम्रान म्हणाला की, पोकरमध्ये मी कधीच जिंकलो नाही पण, माझी पत्नी यात निष्णात आहे. ती जेव्हा तिच्या मित्रांसोबत पोकर खेळते तेव्हा मला तिच्या जवळपास उभंसुद्धा राहू देत नाही. या खेळात मी परवीनला तिच्यासाठी अशुभ वाटतो. 'द स्पाटर्न पोकर्स इंडिया पोकर चॅम्पियनशिप पुरस्कार' सोहळ्याला इम्रानने हजेरी लावली होती. वाचा : Revealed ‘टायगर जिंदा है’, ‘ठग्स ऑफ हिंदोस्तान’, ‘सुई धागा’, ‘संदीप और पिंकी फरार’ या दिवशी होणार प्रदर्शित पोकर खेळाविषयी इम्रान म्हणाला की, कोणत्याही खेळात निष्णात होण्यासाठी त्याबद्दल खोल अभ्यास करण्याची गरज असते. हीच गोष्ट पोकरमध्येही लागू होते. पोकरविषयी आता लोकांची मानसिकता बदलत असून, त्याला हळूहळू खेळाचे महत्त्व प्राप्त होतेय.
