30 May 2020

News Flash

महाराष्ट्र कुस्ती दंगल : स्वप्निल जोशी, सई ताम्हणकर, नागराज मंजुळे संघमालक

महाराष्ट्र कुस्ती दंगल २ नोव्हेंबरपासून पुण्यात

मुंबई ‘झी टॉकीज’ वाहिनीतर्फे पुण्याच्या बालेवाडी क्रीडा संकुलात २ ते १८ नोव्हेंबर या कालावधीत होणाऱ्या महाराष्ट्र कुस्ती दंगलच्या सहा संघांची शुक्रवारी घोषणा करण्यात आली. या सहा संघांच्या मालकांमध्ये कलाकार स्वप्निल जोशी, सई ताम्हणकर आणि दिग्दर्शक नागराज मंजुळे यांचाही समावेश असल्याने कुस्तीच्या खेळात करमणुकीचे विशेष रंगदेखील भरले जाणार आहेत.

२ नोव्हेंबरपासून सुरू होणाऱ्या या दंगलीमध्ये राहुल आवारे, विजय चौधरी, अक्षय शिंदे, किरण भगत, अक्षय चोरगे, उत्कर्ष काळे, ज्ञानेश्वर जमदाडे, विष्णू खोसे या नामवंत मल्लांचा समावेश असल्याने अन्य लीगइतकीच ही मराठी दंगल यशस्वी होणार असल्याचा विश्वास संघमालकांनी व्यक्त केला.स्वप्निल जोशी (विदर्भाचे वाघ), सई ताम्हणकर (कोल्हापुरी मावळे), नागराज मंजुळे (वीर मराठवाडा), पुरुषोत्तम जाधव (यशवंत सातारा), राजेश डाके (मुंबई अस्त्र) आणि शांताराम मानवे (पुणेरी उस्ताद) हे कुस्तीच्या या महासंग्रामातील सहा संघांचे मालक आहेत.

महाराष्ट्र कुस्ती दंगलमधील संघ

• पुणेरी उस्ताद : विनोद कुमार, राहुल आवारे, विजय चौधरी, सौरभ पाटील, विश्रांती पाटील, हनुमंत पुरी.

• मुंबई अस्त्र : ललिता शेरावत, रणजीत नलावडे, अक्षय शिंदे, सागर मरकड, अक्षय हिरगुडे, संजय सूळ.

• वीर मराठवाडा : आंद्रे यातसेंको, किरण भगत, स्वाती शिंदे, दत्ता नारळे, अरुण खेंगळे, शुभम थोरात.

• यशवंत सातारा : झलिना सीदाकोवा, उत्कर्ष काळे, कौतुक डाफळे, सूरज कोकाटे, अक्षय चोरगे, आदर्श गुंड.

• कोल्हापुरी मावळे : प्रदीप कुमार, ज्योतिबा अटकळे, ज्ञानेश्वर जमदाडे, प्रसाद सस्ते, नंदिनी साळोखे, अजित शेळके.

• विदर्भाचे वाघ : इसत्वान वेरेब, सोनबा घोंगणे, विजय पाटील, विष्णू खोसे, कुमार लहू शेलार, दिशा कारंडे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 20, 2018 7:05 am

Web Title: nagraj munjale sai tamhnkar swapnil joshi maharashtra kusti league
Next Stories
1 दिल्लीची हॅट्ट्रिक मुंबई रोखणार?
2 भारताची पाकिस्तानशी आज महालढत
3 विम्बल्डनमध्ये आता टाय-ब्रेकचा अवलंब
Just Now!
X