'स्वरागिनी' या लोकप्रिय मालिकेमुळे प्रकाशझोतात आलेल्या अभिनेता नमिश तनेजा याला चित्रीकरणादरम्याम विजेचा झटका लागला आहे. या घटनेतील आवाक् करणारी बाब म्हणजे नमिश विजेचा झटका लागण्याचाच अभिनय करत होता. त्यावेळी त्याला खरोखरचा झटका बसला. त्यानंतर लगेचच त्याला रुग्णालयात भरती केले गेले. चित्रीकरणादरम्यान नेमकं काय घडलं? नमिश तनेजा सध्या 'विद्या' या मालिकेत काम करत आहे. या मालिकेत नमिशला रुग्णालयात काम करत असताना विजेचा झटका लागतो. या दृष्याचे चित्रीकरण सुरु होते. दिग्दर्शकाने दिलेल्या सुचनेप्रमाणे अभिनय करत असताना त्याने वीजेच्या बटणाला हात लावला. त्यावेळी त्याला खरोखरचा झटका लागला. सुरुवातीला हे दृष्य पाहून नमिश अभिनय करत असल्याचे सर्वांना वाटले. परंतु त्यानंतर त्याला बेशुद्ध झाल्याचे पाहून खरी घटना सर्वांच्या लक्षात आली. त्यानंतर त्याला लगेचच जवळच्या रुग्णालयात भरती केले गेले. आता त्याची प्रकृती स्थीर असुन लवकरच तो या मालिकेत अभिनय करताना चाहत्यांना दिसेल. अशी माहिती फिल्मी बिट्स या वेबसाईटने दिली आहे.
