ज्येष्ठ अभिनेते नसीरुद्दीन शाह यांचा मुलगा विवानला करोनाची लागण झाली आहे. विवानने एका वेबसाइटला यासंदर्भातील माहिती दिली आहे. "होय, माझी तब्येत बरी नाही कारण मला करोनाची लागण झाली आहे", असं त्याने स्पष्ट केलं. विशाल भारद्वाज यांच्या 'सात खूप माफ' या चित्रपटातून विवानने बॉलिवूडमध्ये पदार्पण केलं होतं. त्यानंतर 'हॅपी न्यू इअर' या मल्टिस्टारर चित्रपटात त्याने भूमिका साकारली. या चित्रपटात दीपिका पदुकोण, शाहरुख खान, बोमन इराणी, अभिषेक बच्चन आणि सोनू सूद यांच्यासोबत त्याने स्क्रीन शेअर केला. आणखी वाचा : “तिला लाजच नाही”; प्राजक्ता गायकवाडवर भडकल्या अलका कुबल याआधी अनेक सेलिब्रिटींना करोनाची लागण झाली होती. यामध्ये अमिताभ बच्चन, ऐश्वर्या राय बच्चन, अभिषेक बच्चन, मल्याळम अभिनेते पृथ्वीराज सुकुमारन, तमन्ना भाटिया, टीव्ही अभिनेत्री सारा खान, अर्जुन कपूर, मलायका अरोरा यांचा समावेश आहे.
