बॉलिवूड अभिनेत्री नेहा धूपिया दुसऱ्यांदा आई होणार आहे. नेहाने सोशल मीडियावर पती अंगद बेदी आणि मुलगी मेहरसोबतचा एक फोटो शेअर केला आहे. या फोटोमध्ये नेहा आणि अंगद अतिशय आनंदी असल्याचे दिसत आहे. नेहाचा हा फोटो सोशल मीडियावर सध्या चर्चेत आहे. नेहाने दुसऱ्यांदा प्रेग्नंट असल्याची गूड न्यूज इन्स्टाग्राम अकाऊंटवर फोटो शेअर करत दिली आहे. या फोटोमध्ये तिने काळ्या रंगाचा वनपीस परिधान केला आहे. हा फोटो शेअर करत तिने, 'या फोटोला काय कॅप्शन द्यायचे हा विचार करण्यात दोन दिवस गेले. आम्ही विचार केलेले सर्वात चांगले कॅप्शन म्हणजे.. देवा तुझे आभार' या आशयाचे कॅप्शन दिले आहे. नेहाच्या या पोस्टवर चाहत्यांनी लाइक्स आणि कमेंटचा वर्षाव केला आहे. आणखी वाचा : …आणि कपाटातून बाहेर निघाला प्रियांकाचा बॉयफ्रेंड View this post on Instagram A post shared by Neha Dhupia (@nehadhupia) ४० वर्षांच्या नेहा धूपियाने २००२ साली मिस इंडियाचा किताब जिंकला होता. २००३मध्ये 'कयामत' या चित्रपटातून तिने बॉलिवूडमध्ये पदार्पण केले. त्यानंतर १० मे २०१८मध्ये नेहाने अंगद बेदीशी लग्न केले. नेहाने प्रेग्नंट असल्यामुळे अंगदशी लग्न केल्याचे म्हटले जात होते. लग्नाच्या ६ महिन्यांनंतर १८ नोव्हेंबर २०१८मध्ये नेहाने एका मुलीला जन्म दिला. तिच्या मुलीचे नाव मेहर आहे. आता नेहा पुन्हा प्रेग्नंट असल्याचे तिने सोशल मीडिया पोस्टद्वारे सांगितले आहे.
