बॉलिवूडमध्ये आपल्या सुमधूर आवाजाने अनेकांना मंत्रमुग्ध करणारी गायिका म्हणजे नेहा कक्कर. नेहा कक्कर सोशल मीडियावर सक्रिय असल्याचे पाहायला मिळते. ती सतत कोणत्या ना कोणत्या कारणामुळे चर्चेत असते. पण आता एका वेगळ्या कारणासाठी ती चर्चेत आहे. नेहाने जगभरातील टॉप सिंगरला मागे टाकत दुसऱ्या क्रमांकाचे स्थान पटकावले आहे. नुकताच नेहाने तिच्या इन्स्टाग्राम अकाऊंटवर एक पोस्ट केली आहे. या पोस्टमध्ये तिने जगभरात यूट्यूबवर सर्वात जास्त पाहिल्या जाणाऱ्या गायिकांची यादी शेअर केली आहे. या टॉप १० गायिकांच्या यादीमध्ये नेहा कक्कर दुसऱ्या क्रमांकावर आहे. नेहाचे चाहते प्रचंड आनंदी असल्याचे दिसत आहेत. नेहाने शेअर केलेल्या पोस्टवर चाहत्यांनी लाईक आणि कमेंटचा वर्षाव केला आहे. View this post on Instagram Can’t be more thankful!!!! Jai Mata Di Aapki Nehu #NehaKakkar . @youtube @youtubeindia A post shared by Neha Kakkar (@nehakakkar) on May 6, 2020 at 8:40pm PDT Ex acts chArt ने २०१९ मधील यूट्यूबवर सर्वाधिक पाहिल्या जाणाऱ्या जगभरातील टॉप १० गायिकांची यादी जाहिर केली आहे. या यादीमध्ये गायिता Cardi Bने ४.८ बिलियन व्ह्यूज यूट्यूबर मिळाले असून तिने पहिले स्थान पटकावले आहे. तर नेहा कक्करला ४.५ बिलियन व्ह्यूज मिळाले असून ती दुसऱ्या क्रमांकावर आहे. नेहाने कि केरल जी, ब्लॅकपिंक, सेलेना गोम्ज, बिली एलिस यांना मागे टाकल्यामुळे चाहते फार आनंदी असल्याचे दिसत आहे.
