जपानी प्रो-रेसलर आणि नेटफ्लिक्सचा लोकप्रिय रिअॅलिटी शो 'टेरेस हाउस'मधील स्टार हाना किमूराचे निधन झाले आहे. तिने वयाच्या २२व्या वर्षी जगाचा निरोप घेतला आहे. तिच्या राहत्या घरात तिचा मृत्यू झाल्याचे समोर आले आहे. ऑर्गनायजेशन स्टारडम रेसलिंगने शनिवारी हानाच्या निधनाचे वृत्त दिले आहे. इतक्या कमी वयात हानाचा मृत्यू झाल्यामुळे चाहत्यांमध्ये हळहळ व्यक्त केली जात आहे. पण हानाच्या मृत्यूचे कारण अद्याप समोर आलेले नाही. View this post on Instagram A post shared by 木村花(HANA) (@hanadayo0903) on May 22, 2020 at 11:15am PDT हाना नेटफ्लिक्सवरील टेरेस हाउस या शोमध्ये सहभागी होताच सोशल मीडियावर चर्चेत होती. तिला अनेकांनी ट्रोल देखील केले होते. हा शो टोकियोमधील एका घरात राहणाऱ्या तीन महिला आणि तीन पुरुषांवर आधारित होता. करोना व्हायरसमुळे शो सध्या थांबवण्यात आला होता. हानाने दोन दिवसांपूर्वी सोशल मीडियावर एक पोस्ट शेअर केली होती. या पोस्टमध्ये तिने मांजरीसोबतचा फोटो शेअर केला होता. त्यासोबतच गूडबाय असा मेसेज लिहिला होता. त्याचबरोबर तिने चाहत्यांना आनंदी राहण्याचा मेसेज दिला.