25 November 2020

News Flash

निया शर्मा ठरली ‘खतरों के खिलाडी मेड इन इंडिया’ची विजेती

रविवारी या शोचा शेवटचा भाग प्रदर्शित झाला.

अ‍ॅक्शनवर आधारित असा रिअ‍ॅलिटी शो ‘खतरों के खिलाडी मेड इन इंडिया’ नुकताच पार पडला. या अ‍ॅक्शन शोचे सूत्रसंचालन बॉलिवूडमधील लोकप्रिय दिग्दर्शक रोहित शेट्टी करत होता. रविवारी या शोचा शेवटचा भाग प्रदर्शित झाला. भारतात शूट करण्यात आलेल्या ‘खतरों के खिलाडी मेड इन इंडिया’ची अभिनेत्री निया शर्मा विजेती ठरली आहे.

शनिवारी सेमी फिनाले नंतर टॉप ५ स्पर्धक ग्रँड फिनालेमध्ये पोहोचले होते. त्यामध्ये अली गोणी, निया शर्मा, करण वाही, जॅस्मिन भसीन आणि भारती सिंह या स्पर्धकांचा समावेश होता. या पाच स्पर्धकांमधील करण वाही, जॅस्मिन भसीन आणि निया शर्मा या तिघांमध्ये शेवटचा टास्क पार पडला. त्यात निया शर्माने ‘खतरों के खिलाडी मेड इन इंडिया’च्या ट्रॉफिवर स्वत:चे नाव कोरले.

‘खतरों के खिलाडी मेड इन इंडिया’चे चित्रीकरण मुंबईमधील फिल्म सिटीमध्ये झाले होते. तसेच शोच्या पहिल्या काही भागांचे सूत्रसंचालन फराह खानने केले होते. त्यानंतर रोहित शेट्टी पुन्हा सूत्रसंचालकाच्या भूमिकेत दिसला.

या पूर्वी जुलै महिन्यात ‘खतरों के खिलाडी’ सीजन १० पार पडला. हा शोची शूटिंग बल्गेरिया येथे झाली. तर शोचा फिनाले मुंबईतील फिल्म सिटीमध्ये पार पडला. या दहाव्या सिझनचं विजेतेपद अभिनेत्री करिश्मा तन्नाने मिळवलंय.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 31, 2020 9:19 am

Web Title: nia sharma win khatron ke khiladi made in india trophy avb 95
Next Stories
1 रिया चक्रवर्तीची सलग तिसऱ्या दिवशी चौकशी
2 ‘ब्लॅक पँथर’च्या शेवटच्या ट्विटनं रचला विक्रम; ट्विटरनं देखील केला ‘किंग ऑफ वकांडा’ला सलाम
3 चाहत्याकडून अभिनेत्यांना अनोखी भेट!
Just Now!
X