छोट्या पडद्यावरील वादग्रस्त पण तितकाच लोकप्रिय शो म्हणजे बिग बॉस. सध्या बिग बॉसचे १४चे पर्व चर्चेत आहे. एकीकडे निक्की तंबोळी घरातून बाहेर पडली आहे तर दुसरीकडे दोन नवे स्पर्धक बिग बॉसच्या घरात एण्ट्री करणार आहेत. नुकताच बिग बॉस १४मध्ये विकेंडचा वारमध्ये सलमान खानने स्पर्धकांशी संवाद साधला. दरम्यान त्याने राहुल वैद्यला दिलेला टास्क योग्य पद्धतीने न खेळल्यामुळे सुनावले आहे. त्यानंतर त्याने बिग बॉसचे एक्स स्पर्धक मास्टर माइंड विकास गुप्ता आणि अभिनेत्री राखी सावंत हे बिग बॉस १४मध्ये सहभागी होणार असल्याचे सांगितले. शनिवारी या दोन्ही स्पर्धकांची बिग बॉसच्या घरात एण्ट्री झाली आहे. View this post on Instagram A post shared by ColorsTV (@colorstv) कलर्स टीव्हीने त्यांच्या इन्स्टाग्राम अकाऊंटवर बिग बॉस १४मधील एका भागाचा प्रोमो शेअर केला आहे. या प्रोमोमध्ये राखी सावंत डान्स करताना दिसत आहे. तर विकास गुप्ता शांत उभा असल्याचे दिसत आहे. शोमध्ये विकास आणि राखीची एण्ट्री झाल्यानंतर स्पर्धक आश्चर्यचकित झाले आहेत.
