प्रसिद्ध ओत्तनथुल्लाल कलाकार कलामंडलम् गीतानंदन यांचे व्यासपीठावर नृत्य करत असतानाच रविवारी अवित्ताथुर येथे निधन झाले. ५८ वर्षीय कलामंडलम् हे थिएटर आर्टिस्ट आणि अभिनेते होते. नृत्य करत असतानाच ते अचानक मंचावर कोसळले. त्यावेळी त्यांना तातडीने प्रथमोपचार देऊन रुग्णालयात नेण्यात आले. मात्र, तोवर त्यांचा मृत्यू झाला होता.
गीतानंदन यांनी वयाच्या नवव्या वर्षापासून स्टेज शो करण्यास सुरुवात केली होती. त्यांनी आजवर ५००० स्टेज शो केले. १९८३मध्ये ते केरळ कलालमंडलम् येथे ओत्तनथुल्लाल नृत्य प्रशिक्षक म्हणून रुजू झाले. त्यानंतर जवळपास २५ वर्षे तेथे काम केल्यानंतर तेथील मुख्य पदावरून ते निवृत्त झाले. केरळच्या शास्त्रीय रंगमंच कलेतील त्यांचे योगदान अद्वितीय आहे. लहानपणापासूनच ते निष्णात असलेल्या कलेचा प्रसार करण्यासाठी त्यांना नेहमीच नावाजले जाते. माध्यमांच्या वृत्तानुसार, १९८४ साली फ्रान्समध्ये सादरीकरण करणारे ते पहिले ओत्तनथुल्लाल कलाकार होते.
मल्याळम चित्रपटसृष्टीतही गीतानंदन सक्रिय होते. १९९२ मध्ये आलेल्या ‘कमलादलम’ या चित्रपटाने त्यांनी चित्रपटसृष्टीत पदार्पण केले. या चित्रपटात मोहनलाल यांनी मुख्य भूमिका साकारली होती. त्यासह त्यांनी ‘थुवल कोत्तराम’, ‘मनसीनाक्करे’, ‘नरेंद्र मगन जयकंथन वागा’ आणि इतरही काही चित्रपटांमध्ये काम केले आहे. गीतानंदन यांच्या मृत्यूनंतर मुख्यमंत्री पिनरै विजयन् यांनी दुःख व्यक्त केले.
मराठी अभिनेत्री आणि नृत्यांगना अश्विनी एकबोटे यांचाही प्रयोगादरम्यानच मृत्यू झाला होता. २३ ऑक्टोबर २०१६ या दिवशी पुण्यातील भरत नाट्यमंदिरात प्रयोग सुरु असताना ह्रदयविकाराच्या झटक्याने अश्विनी यांचे निधन झाले होते.
The legendary Ottanthullal artiste Shri Kalamandalam Geethanandan passes away on stage, right in the middle of his performance in Avitatthur temple in Kerala! What a dream death for any performing artiste! Prayers and condolences! Atma Shanti! pic.twitter.com/PCLnP760Xf
— मङ्गलम् (@veejaysai) January 28, 2018
Saddened, shocked at the untimely demise of Ottanthullal artist Kalamandalam Geethanandan.He died while performing at Avittathoor Maha Vishnu Temple, Thrissur.
Heartfelt condolences to the bereaved family. Pranaams. pic.twitter.com/okVbd3tMkx— KummanamRajasekharan (@Kummanam) January 29, 2018
Chief Minister Pinarayi Vijayan offered his condolence over the demise of the Ottanthullal maestro Kalamandalam Geethanandan. pic.twitter.com/0jbjoXijP0
— CMO Kerala (@CMOKerala) January 29, 2018
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on January 30, 2018 9:48 am
