News Flash

‘हिंदू जनजागृती समिती’तर्फे सनी लिओनच्या ‘रागिणी एमएमएस-२’ चित्रपटावर बंदीची मागणी

'हिंदू जनजागृती समिती'तर्फे 'सेन्ट्रल बोर्ड ऑफ फिल्म सर्टिफिकेशन' सीबीएफसीला पाठवलेल्या पत्रात 'रागिणी एमएमएस-२' चित्रपटावर बंदी आणण्याची मागणी करण्यात आली असून...

| March 26, 2014 12:36 pm

‘हिंदू जनजागृती समिती’तर्फे ‘सेन्ट्रल बोर्ड ऑफ फिल्म सर्टिफिकेशन’ सीबीएफसीला पाठवलेल्या पत्रात ‘रागिणी एमएमएस-२’ चित्रपटावर बंदी आणण्याची मागणी करण्यात आली असून, या चित्रपटातील अभिनेत्री सनी लिओनला भारताबाहेर हुसकावून लावण्याची मागणी देखील या समितीद्वारे करण्यात आली आहे. ‘रागिणी एमएमएस-२’ या चित्रपटावर जर बंदी घालण्यात आली नाही, तर ज्या सिनेमागृहात हा चित्रपट दाखविण्यात येत आहे त्या सिनेमागृहांच्याबाहेर समितीतर्फे जोरदार निदर्शने करण्यात येणार असल्याचे ‘हिंदू जनजागृती समिती’ने जाहीर केले आहे. चित्रपटाच्या प्रदर्शनावर बंदी आणण्यच्या आपल्या मागिणीचा जोर वाढविण्यासाठी हा चित्रपट प्रदर्शित होत असलेल्या सिनेमागृहांच्या मालकांना संपर्क साधून चित्रपटचे प्रदर्शन थांबवण्यास सांगण्यात येत असल्याचे समितीने म्हटले आहे. ‘रागिणी एमएमएस-२’ चित्रपटात भारतीय संस्कृती, तिची महानता आणि हिंदू देवतांचा अवमान करण्यात आल्याचे ‘हिंदू जनजागृती समिती’तर्फे ‘सीबीएफसी’ला लिहिलेल्या पत्रात म्हटले आहे. हिंदूंसाठी पवित्र असलेल्या श्री हनुमान चालिसाच्या पठणाने चित्रपटाची सुरूवात होत असल्याचे म्हणत समितीने लोकांमध्ये सामाजीक आणि धार्मिक तेढ निर्माण करण्यास ‘सीबीएफसी’ला जबाबदार धरले आहे. सनी लिओनने अत्तापर्यंत चित्रपटातून साकारलेल्या भूमिका या भारतीय संस्कृतीच्या महानतेला आणि मोठेपणाला छेद देणाऱ्या आहेत. सातत्याने अशाप्रकारच्या चित्रपटांना प्रदर्शनाची परवानगी मिळत असल्यामुळे हिंदूंच्या धार्मिक भावना दुखावल्या जात आहेत आणि समाजात अश्लीलतेला प्रोत्साहन मिळत असल्याचेदेखील या पत्रात म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 26, 2014 12:36 pm

Web Title: outfit demands ban on sunny leones ragini mms 2%e2%80%b2 threatens stir
Next Stories
1 ‘नॉन-प्रेगनन्सी’ अटीशी शिल्पा शेट्टी सहमत
2 ‘प्यारवाली लव्हस्टोरी’ ऑक्टोबरमध्ये प्रेक्षकांच्या भेटीला
3 खिलाडी-देवा जोडी पुन्हा एकत्र!
Just Now!
X