बलात्कार आणि अ‍ॅसिड हल्ल्याची धमकी मिळत असल्याचं सांगत मॉडेल पूनम पांडेने मुंबई पोलिसांकडे मदत मागितली आहे. पूनमने ट्विटरच्या माध्यमातून मुंबई पोलीस आणि गुगलचे सीईओ सुंदर पिचई यांना टॅग करत ही माहिती दिली. माझा मोबाइल क्रमांक एका फेक अकाऊंटवर शेअर करण्यात आला असून माझ्या तक्रारीची दखल घ्या,असंही तिने सांगितलं.

या बातमीसह सर्व प्रीमियम कंटेंट वाचण्यासाठी साइन-इन करा

“माझा मोबाइल क्रमांक एका अ‍ॅपवरुन सार्वजनिक करण्यात आला आहे. याबाबत मी गुगलकडे लेखी तक्रार दिली आहे. मात्र अद्यापपर्यंत या तक्रारीची दखल घेण्यात आलेली नाही. मला निनावी फोनवरुन बलात्कार आणि अ‍ॅसिड हल्ल्याची धमकी मिळत आहे. त्यामुळे मी दिवसभर भीतीच्या छायेत वावरत आहे. त्यामुळे कृपया मला मदत करा”, असं ट्विट पूनमने केलं आहे. तिच्या या ट्विटला मुंबई पोलिसांनी त्वरीत रिप्लाय देत मदतीचं आश्वासन दिलं आहे.

“आम्ही तुमच्या तक्रारीची दखल घेत आहोत. फक्त तुमचा संपर्क क्रमांकाविषयी आम्हांला(DM) थेट मेसेज करावा”, असा रिप्लाय मुंबई पोलिसांनी दिला आहे.

 

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Poonam pandey threatens rape and one sided acid attack tweet mumbai police ssj
First published on: 07-12-2019 at 11:57 IST