21 September 2020

News Flash

मानधनाच्या बाबतीत प्रवीण तरडे मराठीतील सुपरस्टार

प्रवीण तरडे हे लेखक, दिग्दर्शक आणि अभिनेतेही आहेत

प्रवीण तरडे

मानधनाच्या बाबतीत प्रवीण तरडेच मराठीतला सुपरस्टार आहे अशी माहिती समोर आली आहे. प्रवीण तरडे हे एका सिनेमासाठी 50 लाखांचं मानधन घेतात अशी माहिती सूत्रांनी दिली आहे.

अभिनेता स्वप्नील जोशी चित्रपटासाठी साधारण 45 ते 50 लाख मानधन घेतो, सई ताम्हणकर ही एका चित्रपटासाठी 20 ते 25 लाखांचं मानधन घेते अशी माहिती समोर आली होती. या दोघांप्रमाणेच अभिनेता अंकुश चौधरी 25 ते 30 लाख मानधन घेतो. अभिनेत्री सोनाली कुलकर्णी 15 ते 19 लाखांच्या घरात मानधन घेते. अभिनेता उमेश कामत 10 ते 11 लाख रुपये मानधन घेते. अमृता खानविलकर 10 ते 15 लाख रुपये मानधन घेते. अभिनेत्री प्रिया बापट 8 ते 10 लाख मानधन घेते. तर अभिनेता सुबोध भावे एका सिनेमासाठी 15 ते 20 लाखांचे मानधन घेतो ही माहितीही समोर आली होती. मात्र या सगळ्यांमध्ये अभिनेता प्रवीण तरडे 50 लाखांचं मानधन घेतात अशी माहिती सूत्रांनी दिली आहे.

कुंकू, पिंजरा, तुझं माझं जमेना, कन्यादान या मालिकांसाठी त्यांनी लेखन केलं आहे. तर कुटुंब या सिनेमाची कथा त्यांनी लिहिली आहे. पितृऋण या सिनेमाची पटकथा आणि संवाद त्यांनी लिहिले आहेत. तर रेगे या सिनेमाचेही संवाद आणि पटकथा त्यांनी लिहिली आहे. मुळशी पॅटर्न या सिनेमाची कथा, पटकथा, संवाद, गीत लेखन हे त्यांनी केलं आहे. या सिनेमात त्यांनी नन्याभाई हे पात्रही साकारलं होतं. देऊळ बंद आणि मुळशी पॅटर्न या दोन सिनेमांचं दिग्दर्शनही प्रवीण तरडे यांनी केलं आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 18, 2020 8:00 am

Web Title: pravin tarde take 50 lakhs for per film he is highest paid marathi actor says sources scj 81
Next Stories
1 डोंगराएवढं दु:ख समोर असतानाही अशोक मामांनी बजावलं आपलं कर्तव्य
2 Love Aaj Kal Trailer : सारा-कार्तिकच्या केमिस्ट्रीने घेतलं लक्ष वेधून
3 अभिनय बेर्डेच्या फेक फेसबुक अकाऊंटवरून मुलीकडे बोल्ड फोटोची मागणी
Just Now!
X