बॉलिवूडची देसी गर्ल म्हणून ओळखली जाणारी अभिनेत्री प्रियांका चोप्रा ही कायम चर्चेत असते. नुकतच प्रियांकाचे 'अनफिनिश्ड' हे पुस्तक प्रकाशित झाले आहे. या पुस्तकात प्रियांकाने तिचा संपूर्ण जीवनप्रवास उलघडला आहे. तिने पुस्तकात काही चांगल्या गोष्टींचा उल्लेख केला तर काही वाईट अनुभवांचा देखील उल्लेख केला आहे. प्रियांकाने नव्या घरात गृहप्रवेश करतानाचे फोटो पुस्तकामध्ये शेअर केले आहेत. सध्या हे फोटो सोशल मीडियावर चर्चेत आहेत. प्रियांकाने तिच्या या पुस्तकात लॉस एंजलसमधील घरात गृहप्रवेश करतानाचे फोटो शेअर केले आहेत. हा फोटो शेअर करत तिने 'क्वारंटाइनच्या काळात नव्या घरात शिफ्ट होणे आमच्यासाठी खूप असमान्य होते. पण आम्ही हा गृहप्रेवशाचा कार्यक्रम खूप चांगल्या पद्धतीने पार पाडला' असे कॅप्शन दिले आहे. || Some pics of Nick and Priyanka from her new book! pic.twitter.com/QzukPkW1MC — Daily Nick Jonas (@DailyNickJonas) February 8, 2021 प्रियांकाच्या पुस्तकातील आणखी काही फोटो सोशल मीडियावर व्हायरल झाले आहेत. त्यामध्ये तिच्या लग्नाचे काही फोटो आहेत तर काही निकसोबत वेळ घालवतानाचे फोटो आहेत. 'अनफिनिश्ड' या पुस्तकामुळे प्रियांकाच्या खाजगी आयुष्यातील अनेक गोष्टी समोर आल्या आहेत. एका मुलाखतीमध्ये प्रियांकाने, ‘मला कोणालाही उत्तर द्यावे लागेल असे मी माझ्या पुस्तकात लिहिलेले नाही. मी माझ्या जीवनातील अनेक गोष्टींचा या पुस्तकात उल्लेख केला आहे’ असे म्हटले आहे.