ग्लोबल स्टार म्हणून नावारुपाला आलेली अभिनेत्री प्रियांका चोप्रा लवकरच विदेशी सून होणार आहे. येत्या ३० नोव्हेंबर रोजी ती अमेरिकन गायक निक जोनाससोबत लग्न करणार असल्याचं सांगण्यात येत आहे. त्यातच निक लग्नासाठी भारतात आला असून येथे त्यांनी पहिली 'Thanksgiving' पार्टी सेलिब्रेट केली. या पार्टीचे काही फोटो प्रियांकाने इन्स्टाग्रामवर शेअर केले आहेत. निक भारतात आल्यानंतर प्रियांकाने इन्स्टावर एक पोस्ट करत 'Welcome home baby.'असं म्हणत त्याचं स्वागत केलं आहे. त्यानंतर प्रियांकाच्या संपूर्ण कुटूंबासोबत निकने डिनरला जात 'Thanksgiving' पार्टी सेलिब्रेट केली. View this post on Instagram Happy thanksgiving.. family.. forever.. A post shared by Priyanka Chopra (@priyankachopra) on Nov 22, 2018 at 11:53am PST दरम्यान, २०१७ पासून निक आणि प्रियांका एकमेकांना डेट करत आहेत. काही महिन्यांपूर्वीच मुंबईत त्यांचा साखरपुडा पार पडला. मध्यंतरी निक आणि प्रियांकानं राजस्थानला भेट दिली होती. त्यानंतर इथल्याच राजमहालात विवाह करण्याचं दोघांनीही निश्चित केलं आहे. जोधपुरमधल्या उमेद भवन राजवाड्यामध्ये प्रियांका आणि निक लग्न करणार आहे. त्याआधी भारतीय पद्धतीनं मेहंदी, संगीत, हळद असे विधी होणार आहे. पण त्याचबरोबर ख्रिश्चनपद्धतीनंही विवाहसोहळा होणार आहे. View this post on Instagram Welcome home baby. A post shared by Priyanka Chopra (@priyankachopra) on Nov 22, 2018 at 4:36am PST