News Flash

“त्यांनी असं काय केलंय म्हणून त्यांना ही संधी मिळाली?” यावर प्रियांकाने दिलं भन्नाट उत्तर

ऑस्ट्रेलियाच्या पत्रकाराने उपस्थित केला प्रश्न

अभिनेत्री प्रियांका चोप्रा जोनस आपल्या कामासोबतच आपल्या वक्तव्यांबद्दल तसंच हजरजबाबीपणाबद्दलही चर्चेत असते. आताही ती तिच्या एका ट्विटमुळे चर्चेत आली आहे. एका पत्रकाराला तिने करारी उत्तर दिलेलं आहे.

प्रियांका आणि तिचा पती निक जोनस  दोघांनी सोमवारी ऑस्कर पुरस्काराठीची नामांकनं घोषित केली. त्यासंदर्भात एका पत्रकाराने त्यांचं या क्षेत्रात काय योगदान आहे ज्यामुळे त्यांना हा सन्मान मिळाला असा प्रश्न उपस्थित केला. त्यावर प्रियांकाने त्याला उत्तर दिलं आहे.

ऑस्ट्रेलियन पत्रकार पीटर फोर्डने हा प्रश्न उपस्थित केला आहे. पीटर हा ऑस्ट्रेलियामधला एक नामवंत पत्रकार आहे. त्याने आपल्या ट्विटर अकाऊंटवरून हे वक्तव्य केलं आहे. तो म्हणतो, या दोघांचा अनादर करायचा नाही पण मला कळत नाही की त्या दोघांचं चित्रपट क्षेत्रात काय योगदान आहे की ज्यामुळे त्यांना ऑस्कर पुरस्काराची नामांकनं जाहीर करण्याची संधी मिळाली आहे?

प्रियांकाने त्याला याच्यावर उत्तर दिलं आहे. तिने आपल्या चित्रपटांची यादीच शेअर केली आहे. त्यावर ती म्हणते, एखादी व्यक्ती पात्र आहे की नाही हे कशावरुन ठरवायचं याबद्दलचे तुमचे विचार आवडले. ही माझ्या ६० हून अधिक चित्रपटांची यादी आहे, ही तुम्ही विचारात घ्यावी. या उत्तरानंतर मात्र या पत्रकाराने आपलं अकाऊंट प्रायव्हेट केलं आहे.

प्रियाकांच्या या उत्तरावर तिचे चाहते भलतेच खूश झाले आहेत. बऱ्याच जणांनी तिला पाठिंबा दर्शवला आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 17, 2021 7:07 pm

Web Title: priyanka replies to a question af an australian journalist vsk 98
टॅग : Hollywood
Next Stories
1 तुम्ही तुमचं मत मांडू नका, आमिरने सांगितले सोशल मीडियावरून निरोप घेण्याचे कारण
2 आधी ड्रग्सचा ओव्हरडोज, मग बलात्कार गायिकेने सांगितली ‘त्या’ रात्रीची घटना
3 अ‍ॅमेझॉन प्राइम व्हिडीओ ‘राम सेतू’ची करणार सहनिर्मिती
Just Now!
X