आजकाल पाश्चात्य पद्धतीचे शौचालय (western toilets) सगळीकडेच पाहायला मिळतात. पण सार्वजनिक ठिकाणी स्वच्छता गृहामध्ये पाश्चात्य पद्धतीच्या शौचालयांमध्ये अस्वच्छता पाहायला मिळते. यावर अभिनेत्री हेमांगी कवीने सोशल मीडियावर पोस्ट करत संताप व्यक्त केला होता. या पोस्टमध्ये तिने अनेकदा स्त्रियांसाठी आणि पुरुषांसाठी common toilets असतात. पुरूष या पाश्चात्य शौचालयाचा योग्य वापर करत नसल्यामुळे स्त्रियांना अडचणींचा सामना करावा लागतो असे म्हटले. त्यावर अभिनेता पुष्कर श्रोत्रीने कमेंट केली आहे. पुष्करने हेमांगीच्या फेसबुक पोस्टवर कमेंट करत तिला पाठिंबा दिला आहे. "शाब्बास हेमांगी, खूप महत्त्वाच्या विषयावर उत्तम भाष्य केलंयस तू! अरे, आम्हा पुरुषांना सुद्धा लोकांच्या असल्या घाणेरड्या आणि बेपर्वा वागण्याचा त्रास होत असतो, तर तुम्हा स्त्रियांना किती होत असेल! खरंच लोकांनी आपापल्या सामाजिक वागण्याचा (Socail Behavior)चा नीट विचार करावा, आपल्या वागण्यामुळे दुसऱ्यांना त्रास होणार नाही, ह्याची काळजी घ्यायलाच हवी!" असे त्याने म्हटले आहे. काय होती हेमांगीची पोस्ट? “अनेक कामाची ठिकाणी western toilets (commode) असतात. त्यातच बऱ्याचदा स्त्रियांसाठी आणि पुरुषांसाठी common toilets असतात. त्यामुळे बऱ्याच वेळा स्त्रियांची अडचण येते. कारण बरेच पुरूष या पाश्चात्य शौचालयाचा योग्य वापर करत नसल्यामुळे स्त्रियांना अडचणींचा सामना करावा लागतो. अनेकदा महिलांना मासिक पाळीत या गोष्टीचा सर्वाधिक त्रास होतो. त्यामुळे पाश्चात्य शौचालय कसे वापरावे याचं ज्ञान मुलांना लहान असतानाच शाळेत किंवा घरात दिले पाहिजे”, असं हेमांगी म्हणाली. पुढे ती म्हणते, “पुरुष मूत्र विसर्जन करताना commode च्या ring वर, आजूबाजूला जी काही रांगोळी करून ठेवतात ते बघूनच अंगावर शिसारी येते. स्त्रियांची मूत्र विसर्जन करायची पद्धत या पुरुषांना माहीत नसते का? की याचा विचारच केला जात नाही? की अश्या घाणेरड्या commode वर त्या कशा बसत असतील? बसत नसतील तर मग कशा manage करत असतील? मासिक पाळी ( #periods, menustral cycle) च्या वेळी काय करत असतील याचा विचार होत नाही का? होत नसेल तर करावा. स्त्री पुरुष दोघांनी! #Commode कसं वापरावं हे कळत, माहीत नसेल तर न लाजता विचारावं, शिकून घ्यावं! कारण त्याचा थेट संबंध दोघांच्या ही hygiene, health शी असतो!” हेमांगीची ही पोस्ट सध्या चर्चेत असून सोशल मीडियावर व्हायरल झाली आहे. अनेकांनी तिच्या या पोस्टवर कमेंट करत पाठिंबा दिला आहे.
