लॉकडाउनच्या काळात लोकांना घरात बसून ९०च्या दशकातील दूरदर्शन वाहिनीवरील लोकप्रिय मालिका आता पुन्हा पाहता येत आहेत. या मालिकांमधील 'रामायण' या मालिकेने प्रेशकांच्या मनावर जादू केली आहे. तसेच मालिकेतील कलाकार सोशल मीडियावर ट्रेंड होताना देखील दिसत आहेत. विशेष म्हणजे ३३ वर्षांनंतर मालिकेतील कलाकारांविषयी नव-नवीन माहिती समोर येत आहे. आता रामायणातील लक्ष्मणाचा जुना फोटो सोशल मीडियावर व्हायरल होत आहे. रामायण मालिकेत लक्ष्मण ही भूमिका अभिनेते सुनील लहरी यांनी साकारली होती. आता त्यांचे वय ५९ वर्षे आहे. सध्या सोशल मीडियावर सुनील लहरी यांचा जुना फोटो व्हायरल होत आहे. या फोटोमध्ये त्यांनी काळ्या रंगाचे कपडे परिधान केले असून हातात छत्री घेतलेली दिसत आहे. ते या फोटोमध्ये अतिशय हॅण्डसम दिसत असून त्यांनी लाखो तरुणींच्या मनावर जादू केली आहे. Time has no holiday. Dreams have no expiry date. And life has no pause button.. Live it..Love it.. Enjoy each and every moment of your life..!! समय की कोई छुट्टी नहीं, सपनों की कोई आखिरी तारीख नहीं, जीवन का कोई पोजं बटन नही, जीओ हर पल को Goodbye 2019 welcome 2020्☺ pic.twitter.com/cVd3rX7Nx0 — Sunil lahri (@LahriSunil) December 31, 2019 गेल्या काही दिवसांपासून सोशल मीडियावर रामायणातील लक्ष्मण या पात्रावर मीम्स देशील व्हायरल झाले आहेत. हे मीम्स सुनील लहरी यांनी पाहिले आणि ते मजेदार असल्याचे म्हटले होते. सुनील लहरी यांनी रामानंद सागर यांच्या रामायण मालिकेतच नव्हे तर 'विक्रम वेताळ' या मालिकेत देखील काम केले आहे. १९९० रोजी 'परम वीर चक्र'मध्ये काम केले होते. त्याआधी त्यांनी १९८० मध्ये 'द नेक्सेलाइट्स' या चित्रपटात काम करत बॉलिवूडमध्ये पदार्पण केले होते. या चित्रपटात त्यांनी अभिनेत्री स्मिता पाटील यांच्यासोबत भूमिका साकारली होती. सुनील यांनी अनेक दाक्षिणात्य चित्रपटांमध्ये देखील काम केले आहे.