विश्वचषकातील रविवारी पार पडलेल्या भारत विरुद्ध पाकिस्तान सामन्याकडे साऱ्यांचंच लक्ष वेधलं होतं. या सामन्यामध्ये भारताने पाकिस्तानचा ८९ धावांनी पराभव केल्यानंतर संपूर्ण देशभरामध्ये आनंदोत्सव साजरा करण्यात आला.रविवारी सकाळपासूनच सामन्याविषयी चाहत्यांमध्ये प्रचंड उत्सुकता होती. यामध्ये बॉलिवूड सेलिब्रिटीसुद्धा मागे नव्हते. अभिनेता रणवीर सिंगनेदेखील मँचेस्टरच्या मैदानावर हजेरी लावत क्रीडाविश्वातील काही खेळाडूंची भेट घेतली. या भेटीनंतर त्याने इन्स्टाग्रामवर मास्टर ब्लास्टर सचिन तेंडूलकर आणि भारतीय क्रिकेट संघाचा कर्णधार विराट कोहली यांच्यासोबतचे काही फोटो शेअर केले आहेत. मँचेस्टरच्या मैदानात हजेरी लावलेल्या रणवीरने सचिन तेंडूलकर, विराट कोहली, विरेंद्र सेहवाग, ब्रायन लारा, सौरव गांगुली, के.एल. राहुल,शिखर धवन आणि हार्दिक पांड्या या खेळाडूंची भेट घेत त्यांच्यासोबत काही फोटो काढले. हे फोटो रणवीरने सोशल मीडियावर शेअर केले असून त्यासोबत एक भावनिक मेसेजही लिहिला आहे. 'लहानपणापासूनच मी भारतीय क्रिकेटचा मोठा चाहता आहे. माझं माझ्या टीमवर मनापासून प्रेम आहे', असं त्याने या पोस्टमध्ये म्हटलं आहे. विशेष म्हणजे हे फोटो पोस्ट करत त्याने प्रत्येक खेळाडूविषयी कौतुकाचे उद्गार काढले आहेत. "विराट कोहलीने भारतीय क्रिकेटचा चेहरामोहरा बदलला आहे. तो प्रचंड ध्येयवेडा व्यक्ती आहे. त्यामुळेच तो मैदानात कायम उत्तमरित्या कामगिरी करतो. देशाचं उत्तम प्रतिनिधीत्व करणारा खरा योद्धा. हा नवा भारत आहे आणि हा व्यक्ती नव्या भारताचा खरा हिरो. आम्हाला साऱ्यांना तुझ्याचा अभिमान आहे", असं कॅप्शन देत रणवीरने विराटसोबत एक फोटो शेअर केला आहे. View this post on Instagram Ive been a die-hard fan of Indian cricket since childhood. Invested so much emotion into our beloved team. Willing and wanting them to be the undisputed best in the world. And then, there was VIRAT KOHLI. Ive witnessed a brash boy evolve into the very embodiment of class. Displaying a rare brand of ferocity and passionate expression, he changed the face of Indian cricket forever. He’s well on his way to being hailed as the greatest of all time. Leading our country like a true alpha warrior. Yeh naya India hai, aur yeh banda naye India ka Hero hai. We are proud of you, Kaptaan. रणवीरने विराटप्रमाणेच सचिनसोबतचाही फोटो शेअर केला आहे. यावेळी त्याने फक्त 'मास्टर ब्लास्टर' असं म्हणत त्याच्या भावना व्यक्त केल्या आहेत. तर रणवीरने सौरव गांगुलीला 'कोलकाताचा प्रिन्स' म्हटलं आहे. त्याप्रमाणेच सेहवागला एक 'उत्तम फलंदाज' म्हणतं त्याचं कौतुक केलं आहे. यासोबतच अनेक क्रिकेटपटूंसोबत फोटो शेअर करत त्याने अशाच खास अंदाजात या खेळाडूंचं कौतुक केलं आहे. View this post on Instagram MASTER BLASTER !!!@sachintendulkar A post shared by Ranveer Singh (@ranveersingh) on Jun 17, 2019 at 12:59pm PDT दरम्यान,रणवीरचा आगामी चित्रपटसुद्धा क्रिकेटशी निगडीत आहे. '83' या चित्रपटात तो कपिल देव यांची भूमिका साकारणार आहे. लंडनमधील लॉर्ड्सच्या मैदानावर २५ जून १९८३ रोजी भारतीय संघाने क्रिकेट विश्वचषक जिंकला होता. या विजयगाथेवर हा चित्रपट आहे. ‘83’ या चित्रपटाच्या दिग्दर्शनाची धुरा चित्रपट दिग्दर्शक कबीर खान सांभाळत आहे.
