बॉलिवूडमध्ये ‘स्टंट मास्टर’ म्हणून ओळखले जाणारे रवी दिवाण यांनी आता मराठी निर्मिती क्षेत्रात प्रवेश केला असून ‘तिचा उंबरठा या मराठी चित्रपटाची निर्मिती ते करणार आहेत. मुहूर्त नुकताच रवींद्र नाटय़ मंदिर येथे पार पडला. भारतीय जनता पक्षाचे ज्येष्ठ नेते गोपीनाथ मुंडे यांनी मुहूर्ताची क्लॅप दिली. आरडीएक्स सिनेमा कंपनीची निर्मिती असलेल्या चित्रपटाचे दिग्दर्शन प्रदीप घोसनीकर यांचे आहे. चिन्मय मांडलेकर, तेजस्विनी पंडित, ज्योती चांदेकर या कलाकारांवर दृश्य चित्रीत करण्यात आले. सोहळ्यास अभिनेते सुनील शेट्टी, मकरंद देशपांडे, भरत दाभोळकर, कांचन अधिकारी उपस्थित होते.
