04 July 2020

News Flash

“चार वर्षे काम नव्हतं, जेवायलाही पैसे नव्हते पण तरी..”; रॉनित रॉयचा स्ट्रगल

रॉनित रॉयचा पहिलाच चित्रपट ब्लॉकबस्टर ठरला होता. पण त्यानंतर चार वर्षे त्याला कामच मिळत नव्हतं.

रॉनित रॉय

अभिनेता रॉनित रॉयने १९९२ मध्ये ‘जान तेरे नाम’ या चित्रपटातून बॉलिवूडमध्ये पदार्पण केलं. हा चित्रपट त्यावेळी ब्लॉकबस्टर ठरला होता. पण त्यानंतर त्याच्याकडे काहीच काम नव्हतं. पहिला चित्रपट सुपरहिट ठरल्यावर पुढचे चार वर्षे तो बेरोजगार होता. जेवायलाही पैसे नव्हते अशी अवस्था होती. पण या परिस्थितीतही मी आत्महत्या करण्याचा विचार केला नाही, असं म्हणत रॉनित रॉयने त्याचा संघर्ष सांगितला.

‘ई टाइम्स’ला दिलेल्या मुलाखतीत तो म्हणाला, “माझा पहिला चित्रपट त्या काळी २५ आठवडे चालला होता. म्हणजे आताचा १०० कोटी रुपयांचा गल्ला जमवणारा चित्रपट समजा. पदार्पणातच मला एवढं यश मिळालं होतं. पण त्यानंतर सहा महिने मला कामासाठी एकही कॉल आला नाही. पुढच्या तीन वर्षांसाठी मी लहानसहान काहीतरी काम करत होतो आणि १९९६ पर्यंत सर्वच काम हातून निघून गेलं होतं. चार वर्षे मी घरीच होतो. माझ्याकडे छोटी गाडी होती पण त्यात पेट्रोल टाकायला पैसे नव्हते. सिल्वर ज्युबिली चित्रपटानंतरही माझ्याकडे जेवायला पैसे नव्हते. इतका कठीण असला तरी मी आत्महत्या केली नाही. मी कोणावर टीका करत नाहीये. पण प्रत्येकाजण त्याच्या आयुष्यात कधी ना कधी आर्थिक समस्यांना सामोरं जात असतो. पण अशा वेळी आत्महत्या हा काही पर्याय नसतो.”

लॉकडाउनचा मोठा फटका कलाविश्वाला बसला. शूटिंग बंद झाल्याने सर्व कलाकार व पडद्यामागे काम करणारे कर्मचारी घरी बसले आहेत. या काळात नैराश्याने, आर्थिक समस्या असल्याने काही कलाकारांनी आत्महत्या केली. १७ मे रोजी अभिनेता मनमीत ग्रेवालने राहत्या घरी गळफास घेऊन आत्महत्या केली. तर २६ मे रोजी ‘क्राइम पेट्रोल’मध्ये काम केलेली अभिनेत्री प्रेक्षा मेहताने आत्महत्या केली. ती २५ वर्षांची होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2020 1:54 pm

Web Title: ronit roy says he was jobless for 4 years did not have money for food ssv 92
Next Stories
1 “अमेरिकेतील जॉर्ज फ्लॉयड यांच्या मृत्यूचा निषेध करणारे महाराष्ट्रातील साधूंच्या हत्येनंतर शांत का होते?”
2 झी मराठीवर बोलक्या बाहुल्यांची धमाल मालिका
3 “मी क्रिकेटर आहे हे तिला माहितच नव्हतं”; हार्दिक पांड्याने सांगितली सरप्राइज साखरपुड्याची गोष्ट
Just Now!
X