सध्या सोशल मीडियावर 'बिग बॉस १४' या रिअॅलिटी शोची विजेती अभिनेत्री रुबिना दिलैकचा फोन नंबर लीक झाला आहे. एका वेब साइटवर तिचा नंबर देण्यात आला होता. तिला अनेकजण फोन, मेसेज करु त्रास देऊ लागले होते. त्यानंतर रुबिनाचा पती अभिनेता अभिनव शुक्लाने मित्राच्या मदतीने त्या वेबसाइटवरुन नंबर डिलिट केला. यासंदर्भात त्याने सोशल मीडियावर पोस्ट करत 'माझ्याशी पंगा घेऊ नका' असे म्हटले आहे. अभिनवने ट्वीट करत रुबिनाचा नंबर व्हायरल झाल्याचे सांगितले आहे. 'एका बेकायदेशीर वेबसाइटने अनेक अभिनेत्रींचे नंबर लीक केले आहेत. आता ते हटवण्यात आले आहेत. हे सर्व करण्यासाठी मला माझ्या इंजिनीअर मित्राने मदत केली त्यासाठी त्याचे आभार. कधीही इंजिनीअरशी पंगा घेऊ नका' या आशयाचे ट्वीट त्याने केले आहे. A website illegally sharing contacts of many prominent actresses has been disabled! All thx to my buddy engineer! Dont mess with #engineers. And yeah welcome to all the thankyous coming my way ! — Abhinav Shukla (@ashukla09) April 13, 2021 आणखी वाचा : ‘तारक मेहता…’मधील अभिनेत्रीला पतीने दिली BMW बाइक गिफ्ट अभिनय क्षेत्रात येण्यापूर्वी अभिनवने इंजिनिअरींगचे शिक्षण घेतले आहे. फोन नंबर लीक झाल्यानंतर रुबिनाला सतत मेसेज आणि कॉल आल्यानंतर ती वैतागली. त्यानंतर अभिनवने त्याच्या कॉलेजमधील मित्राला फोन करुन याबाबत माहिती दिली आणि त्या वेब साइटवरील नंबर हटवले. समोर आलेल्या माहितीनुसार त्या बेकायदेशीर वेबसाइटवरुन जवळपास १०० पेक्षा अधिक सेलिब्रिटींचे नंबर लीक करण्यात आले होते. रुबिना आणि अभिनव यांनी 'बिग बॉस १४'मध्ये सहभाग घेतला होता. त्या दोघांची घरात भांडणेही झाली होती. पण रुबिनाने अनेकांची मने जिंकत बिग बॉस १४चे विजेतेपद पटकावले. आता ती लकरच एका मालिकेत काम करताना दिसणार आहे.