सध्या संपूर्ण देशात दिवसेंदिवस करोना व्हायरसचा संसर्ग वाढत चालला असल्याचे दिवस आहे. सर्वसामान्य जनतेपासून ते सेलिब्रिटी, राजकिय नेते यांनाही करोनाचा संसर्ग झाल्याचे समोर येत आहे. काही दिवसांपूर्वी प्रसिद्ध मॉडेल, माजी मिस इंडिया आणि अभिनेत्री नताशा सूरीची करोना चाचणी पॉझिटीव्ह आली होती. आता त्यापाठोपाठ तिची बहिणी रुपाली सुरीची देखील करोना चाचणी पॉझिटीव्ह आली आहे. रुपालीने सोशल मीडिया पोस्टद्वारे ही माहिती दिली आहे. 'माझी करोना चाचणी पॉझिटीव्ह आली आहे. मला ताप, सर्दी आणि घसा दुखी ही लक्षणे जाणवत होती. पण मी माझा योगा आणि श्वसनाशी संबंधीत व्यायाम करत आहे. जर तुम्ही सकारात्मक विचार केलात तर नक्कीच करोनावर मात कराल' असे रुपालीने पोस्टमध्ये म्हटले आहे. View this post on Instagram Becoz self love is very important. #love #selflove #selfie #happyme A post shared by Rupali Suri (@rupalisuri07) on Oct 12, 2019 at 9:34pm PDT रुपालीची बहिण नताशा ९ ऑगस्टरोजी पुण्याला गेली होती. पुण्याहून मुंबईला परतल्यानंतर प्रकृती बिघडली अन् करोनाची लक्षणं जाणवली. ताप, गळ्यात खरखर आणि अशक्तपणा जाणवल्यानंतर नताशानं तीन दिवसांपूर्वी करोनाची चाचणी केली. या चाचणीचा निकाल पॉझिटिव्ह आला आहे. आता रुपालीचा देखील करोना रिपोर्ट पॉझिटीव्ह आला आहे.
